ਸਕੂਲ ਕਮੇਟੀ ਨੇ ਵਿਦਿਆਰਥਣ ਤਮੰਨਾ ਦਾ ਕੀਤਾ ਸਨਮਾਨ 8ਵੀਂ ਜਮਾਤ ਦੀ ਅੱਵਲ ਰਹੀ ਵਿਦਿਆਰਥਣ ਤਮੰਨਾ ਦਾ ਸਕੂਲ ਪ੍ਰਬੰਧਕਾਂ ਵਲੋਂ ਭਰਵਾਂ ਸਵਾਗਤ
ਅਜੀਤ ਡੈਸਕ
14-04-2026
ਵਿਦਿਆਰਥਣ ਤੁਮੰਨਾ ਆਪਣੇ ਘਰੋਂ ਕਾਰ ਵਿਚ ਸਵਾਰ ਹੋ ਕੇ ਸਕੂਲ ਲਈ ਰਵਾਨਾ ਹੋਈ, ਕਾਰ ਦੀ ਛੱਤ ਦਾ ਸ਼ੀਸ਼ਾ ਖੋਲਿ੍ਹਆ ਗਿਆ ਸੀ ਤੇ ਵਿਦਿਆਰਥਣ ਤਮੰਨਾ ਦੇ ਗੱਲ ਵਿਚ ਫੁੱਲਾਂ ਦੇ ਹਾਰ ਪਾਏ ਗਏ ਤੇ ਕਾਰ ਦੇ ਅੱਗੇ-ਅੱਗੇ ਪਰਿਵਾਰ ਵਾਲੇ, ਰਿਸ਼ਤੇਤਾਰ ਤੇ ਮੁਹੱਲਾ ਵਾਸੀ ਖੁਸ਼ੀ ਵਿਚ ਨੱਚਦੇ ਹੋਏ ਬਾਜ਼ਾਰਾਂ ਵਿਚੋਂ ਹੁੰਦੇ ਹੋਏ ਸਕੂਲ ਪਹੁੰਚੇ ਜਿਥੇ ਸਕੂਲ ਦੀ ਕਮੇਟੀ ਮੈਂਬਰਾਂ, ਅਧਿਆਪਕਾਂ ਤੇ ਹੋਰਨਾਂ ਨੇ ਵਿਦਿਆਰਥਣ ਤਮੰਨਾ ਦੇ ਗੱਲ ਵਿਚ ਹਾਰ ਪਾ ਕੇ ਭਰਵਾਂ ਸਵਾਗਤ ਕੀਤਾ | ਇਸ ਖੁਸ਼ੀ ਦਾ ਮਹੌਲ 'ਚ ਸਕੂਲ ਕਮੇਟੀ ਨੇ ਵਿਦਿਆਰਥਣ ਤਮੰਨਾ ਦਾ ਸਨਮਾਨ ਕੀਤਾ | ਉਥੇ ਹੀ ਤਮੰਨਾ ਨੂੰ ਪੜ੍ਹਾਉਣ ਵਾਲੇ ਅਧਿਆਪਕਾਂ ਦਾ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਸਕੂਲ ਦੀ ਪ੍ਰਬੰਧਕੀ ਕਮੇਟੀ ਦੇ ਸਰਪ੍ਰਸਤ ਪਵਨ ਕੁਮਾਰ ਗੋਇਲ, ਪ੍ਰਧਾਨ ਰਾਕੇਸ਼ ਰੋਮਾਣਾ, ਮੀਤ ਪ੍ਰਧਾਨ ਰਮੇਸ਼ ਵਰਮਾ, ਸਕੱਤਰ ਮਦਨ ਲਾਲ ਗੋਇਲ, ਮੈਨੇਜਰ ਦਿਨੇਸ਼ ਗੋਇਲ, ਖ਼ਜ਼ਾਨਚੀ ਅਨਿਲ ਬਾਂਸਲ, ਸਹਿ ਸਕੱਤਰ ਪੰਕਜ ਸਿੰਗਲਾ, ਸਾਲਸੀ ਬੋਰਡ ਦੇ ਚੇਅਰਮੈਨ ਪ੍ਰਸ਼ੋਤਮ ਸਿੰਗਲਾ, ਮੈਂਬਰਜ਼ ਸਾਹਿਲ ਮਿੱਤਲ, ਦੀਪਾਂਸ਼ੂ ਗੋਇਲ ਆਦਿ ਹਾਜ਼ਰ ਸਨ | ਪ੍ਰਬੰਧਕੀ ਕਮੇਟੀ ਦੇ ਸਰਪ੍ਰਸਤ ਪਵਨ ਕੁਮਾਰ ਗੋਇਲ, ਪ੍ਰਧਾਨ ਰਾਕੇਸ਼ ਰੋਮਾਣਾ, ਮੀਤ ਪ੍ਰਧਾਨ ਰਮੇਸ਼ ਵਰਮਾ, ਸਕੱਤਰ ਮਦਨ ਲਾਲ ਗੋਇਲ ਅਤੇ ਪਿ੍ੰਸੀਪਲ ਕੁਸਮ ਕਲੜਾ ਨੇ ਵਿਦਿਆਰਥਣ ਤਮੰਨਾ, ਉਸ ਦੇ ਮਾਪਿਆਂ ਅਤੇ ਸਕੂਲ ਅਧਿਆਪਕਾਂ ਦੀ ਭਰਪੂਰ ਪ੍ਰਸੰਸਾ ਕਰਦਿਆਂ ਕਿਹਾ ਵਿਦਿਆਰਥਣ ਤਮੰਨਾ ਨੇ ਮਾਪਿਆਂ ਅਤੇ ਸਕੂਲ ਅਧਿਆਪਕਾਂ ਦਾ ਨਾਮ ਪੂਰੇ ਪੰਜਾਬ ਵਿਚ ਰੌਸ਼ਨ ਕੀਤਾ ਹੈ |
