ਰੁਪਾਣਾ, 21 ਅਪ੍ਰੈਲ (ਜਗਜੀਤ ਸਿੰਘ)-ਪਿੰਡ ਰੁਪਾਣਾ ਦੇ ਡਾਕਘਰ ਵਿਚ ਪੋਸਟਲ ਅਸਿਸਟੈਂਟ ਦੀ ਸੇਵਾ ਨਿਭਾ ਰਹੇ ਨੇਮਪਾਲ ਸਿੰਘ ਸੰਧੂ ਦੀ ਬਦਲੀ ਹੋ ਜਾਣ ਦੀ ਖ਼ੁਸ਼ੀ ਵਿਚ ਡਾਕਘਰ ਦੇ ਸਮੂਹ ਸਟਾਫ਼ ਵਲੋਂ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਇਸ ਮੌਕੇ ਪੀ.ਪੀ.ਐੱਮ. ਪੋਸਟ ਮਾਸਟਰ ਅਮਿਤ ਕੁਮਾਰ, ਤਰਲੋਕ ਸਿੰਘ ਰੁਪਾਣਾ ਅਤੇ ਗੁਰਪਾਲ ਸਿੰਘ ਨੇ ਨੇਮਪਾਲ ਸਿੰਘ ਸੰਧੂ ਨਾਲ ਬਿਤਾਏ ਗਏ ਪਲਾਂ ਦਾ ਵਰਨਣ ਕਰਦਿਆਂ ਉਨ੍ਹਾਂ ਦੀ ਭਰਪੂਰ ਉਸਤਤ ਕੀਤੀ | ਸਮੂਹ ਸਟਾਫ਼ ਵਲੋਂ ਨੇਮਪਾਲ ਸਿੰਘ ਨੂੰ ਤੋਹਫ਼ੇ ਦੇ ਕੇ ਨਿਵਾਜਿਆ ਗਿਆ | ਅੰਤ ਵਿਚ ਨੇਮਪਾਲ ਸਿੰਘ ਸੰਧੂ ਨੇ ਸਭਨਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਜੁਗਰਾਜ ਸਿੰਘ, ਗਰੈਪੀ, ਹਰਜਿੰਦਰ ਸਿੰਘ, ਸਾਜਨ ਕੁਮਾਰ, ਵਿਕਰਮਜੀਤ ਸਿੰਘ, ਜਗਜੀਤ ਸਿੰਘ ਮੰਗਾ, ਜੋਗਿੰਦਰ ਸਿੰਘ ਲਹੌਰੀਆ ਆਦਿ ਸਮੂਹ ਸਟਾਫ਼ ਹਾਜ਼ਰ ਸੀ |