ਅੰਤਰਰਾਸ਼ਟਰੀ ਕਬੱਡੀ ਖਿਡਾਰੀ ਸੁੱਖਾ ਬੀਹਲੇਵਾਲਾ ਮੌਤ ਹੱਥੋਂ ਹਾਰਿਆ
ਫ਼ਰੀਦਕੋਟ, 22 ਅਗਸਤ (ਜਸਵੰਤ ਸਿੰਘ ਪੁਰਬਾ)-ਕਬੱਡੀ ਜਗਤ ਲਈ ਇਹ ਇਕ ਦੁਖਦਾਈ ਖਬਰ ਹੈ ਕਿ ਦੇਸ਼ ਵਿਦੇਸ਼ ਦੇ ਕਬੱਡੀ ਟੂਰਨਾਮੈਂਟ ਵਿਚ 10 ਸਾਲ ਲਗਾਤਾਰ ਆਪਣੀ ਖੇਡ ਦਾ ਲੋਹਾ ਮਨਵਾਉਣ ਵਾਲੇ ਟੌਪ ਰੇਡਰ ਸੁੱਖਾ ਬੀਹਲੇਵਾਲਾ ਹੁਣ ਸਾਡੇ ਵਿਚਕਾਰ ਨਹੀਂ ਰਹੇ। ਪਿੰਡ ਕਿਲਾ ਨੌ ਦੇ ਕਬੱਡੀ ਖਿਡਾਰੀ ਰੇਸ਼ਮ ਸਿੰਘ ਕੜਾਕਾ ਅਨੁਸਾਰ ਸੁੱਖਾ ਫ਼ਰੀਦਕੋਟ ਦੇ ਬਾਬਾ ਫ਼ਰੀਦ ਕਬੱਡੀ ਕਲੱਬ ਤੋਂ ਇਲਾਵਾ ਬਾਜਾਖਾਨਾ ਕਲੱਬ ਤੇ ਮੋਗਾ ਕਲੱਬ ਵਿਚ ਵੀ ਖੇਡਦਾ ਰਿਹਾ ਹੈ ਤੇ ਉਸ ਦੀ ਕਬੱਡੀ ਕੈਨੇਡਾ, ਯੂ.
ਫ਼ਰੀਦਕੋਟ, 22 ਅਗਸਤ (ਜਸਵੰਤ ਸਿੰਘ ਪੁਰਬਾ)-ਕਬੱਡੀ ਜਗਤ ਲਈ ਇਹ ਇਕ ਦੁਖਦਾਈ ਖਬਰ ਹੈ ਕਿ ਦੇਸ਼ ਵਿਦੇਸ਼ ਦੇ ਕਬੱਡੀ ਟੂਰਨਾਮੈਂਟ ਵਿਚ 10 ਸਾਲ ਲਗਾਤਾਰ ਆਪਣੀ ਖੇਡ ਦਾ ਲੋਹਾ ਮਨਵਾਉਣ ਵਾਲੇ ਟੌਪ ਰੇਡਰ ਸੁੱਖਾ ਬੀਹਲੇਵਾਲਾ ਹੁਣ ਸਾਡੇ ਵਿਚਕਾਰ ਨਹੀਂ ਰਹੇ। ਪਿੰਡ ਕਿਲਾ ਨੌ ਦੇ ਕਬੱਡੀ ਖਿਡਾਰੀ ਰੇਸ਼ਮ ਸਿੰਘ ਕੜਾਕਾ ਅਨੁਸਾਰ ਸੁੱਖਾ ਫ਼ਰੀਦਕੋਟ ਦੇ ਬਾਬਾ ਫ਼ਰੀਦ ਕਬੱਡੀ ਕਲੱਬ ਤੋਂ ਇਲਾਵਾ ਬਾਜਾਖਾਨਾ ਕਲੱਬ ਤੇ ਮੋਗਾ ਕਲੱਬ ਵਿਚ ਵੀ ਖੇਡਦਾ ਰਿਹਾ ਹੈ ਤੇ ਉਸ ਦੀ ਕਬੱਡੀ ਕੈਨੇਡਾ, ਯੂ.ਕੇ ਤੇ ਹੋਰ ਦੇਸ਼ਾਂ ਵਿਚ ਬੜੇ ਚਾਅ ਨਾਲ ਦੇਖੀ ਜਾਂਦੀ ਸੀ। ਇਕ ਦਹਾਕਾ ਦੇਸ਼ ਵਿਦੇਸ਼ ਦੇ ਕਬੱਡੀ ਟੂਰਨਾਮੈਂਟ ਵਿਚ ਸੁੱਖੇ ਦੀ ਤੂਤੀ ਬੋਲਦੀ ਸੀ ਤੇ ਦੁਆਬਾ ਦੇ ਅੰਤਰਰਾਸ਼ਟਰੀ ਕਬੱਡੀ ਪ੍ਰਮੋਟਰਾਂ ਦੀ ਸੁੱਖਾ ਪਹਿਲੀ ਪਸੰਦ ਸੀ। ਉਨ੍ਹਾਂ ਦੱਸਿਆ ਕਿ ਟੂਰਨਾਮੈਂਟ ਦੌਰਾਨ ਸੁੱਖੇ ਦੀਆਂ ਰੇਡਾਂ ’ਤੇ ਸ਼ਰਤਾਂ ਲੱਗਦੀਆਂ ਸਨ। ਪਿਛਲੇ 15 ਦਿਨਾਂ ਵਿਚ ਕਬੱਡੀ ਜਗਤ ਤੋਂ ਇਹ ਤੀਜੀ ਵੱਡੀ ਦੁਖਦਾਈ ਖਬਰ ਆਈ ਹੈ ਜਿਸ ਨੇ ਕਬੱਡੀ ਪ੍ਰੇਮੀਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਗੋਰਾ ਸਮਾਲਸਰੀਆ ਅਤੇ ਗੁਰਜੀਤ ਤੂਤ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਚੁੱਕੇ ਹਨ।
