ਚੰਡੀਗੜ੍ਹ, 5 ਫਰਵਰੀ (ਸੁਖਵਿੰਦਰ ਸਿੰਘ ਸ਼ਾਨ)- ਪੰਜਾਬ ਅਤੇ ਹਰਿਆਣਾ ਵਿਚ ਅਗਲੇ 3 ਦਿਨਾਂ ਦੌਰਾਨ ਤੇਜ਼ ਹਵਾਵਾਂ ਚੱਲਣਗੀਆਂ | ਜਾਣਕਾਰੀ ਅਨੁਸਾਰ ਪੰਜਾਬ ਵਿਚ ਵੱਖ-ਵੱਖ ਥਾਵਾਂ 'ਤੇ ਸਵੇਰ ਵੇਲੇ ਸੰਘਣੀ ਧੁੰਦ ਪਈ | ਸੂਬੇ ਵਿਚ ਫ਼ਰੀਦਕੋਟ ਵਿਖੇ ਰਾਤ ਸਭ ਤੋਂ ਠੰਢੀ ਰਹੀ, ਜਿਥੇ ਘੱਟੋ-ਘੱਟ ਤਾਪਮਾਨ 4.8 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜਦੋਂਕਿ ਇਹ ਗੁਰਦਾਸਪੁਰ 'ਚ 5, ਹੁਸ਼ਿਆਰਪੁਰ 'ਚ 5.1, ਅੰਮਿ੍ਤਸਰ 'ਚ 5.9, ਫ਼ਿਰੋਜਪੁਰ 'ਚ 5.3, ਬਠਿੰਡਾ 'ਚ 5.6, ਰੂਪਨਗਰ 'ਚ 6.4, ਲੁਧਿਆਣਾ 'ਚ 8.6 ਅਤੇ ਪਟਿਆਲਾ ਵਿਚ 9.3 ਡਿਗਰੀ ਸੈਲਸੀਅਸ ਰਿਹਾ | ਸੂਬੇ ਵਿਚ ਦਿਨ ਦਾ ਵੱਧ ਤੋਂ ਵੱਧ ਤਾਪਮਾਨ 24.6 ਡਿਗਰੀ ਸੈਲਸੀਅਸ ਸ੍ਰੀ ਆਨੰਦਪੁਰ ਸਾਹਿਬ (ਰੂਪਨਗਰ) ਵਿਖੇ ਦਰਜ ਕੀਤਾ ਗਿਆ | ਰਾਜਧਾਨੀ ਚੰਡੀਗੜ੍ਹ ਵਿਚ ਮੌਸਮ ਖ਼ੁਸ਼ਕ ਅਤੇ ਸਾਫ਼ ਰਿਹਾ | ਇਥੇ ਦਿਨ ਦਾ ਤਾਪਮਾਨ 23.1 ਡਿਗਰੀ ਸੈਲਸੀਅਸ ਅਤੇ ਰਾਤ ਦਾ ਤਾਪਮਾਨ 7.2 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ | ਗੁਆਂਢੀ ਸੂਬੇ ਹਰਿਆਣਾ ਦੇ ਭਿਵਾਨੀ 'ਚ ਰਾਤ ਦਾ ਘੱਟੋ-ਘੱਟ ਤਾਪਮਾਨ 6.5 ਡਿਗਰੀ ਸੈਲਸੀਅਸ ਤੇ ਨਾਰਨੌਲ ਵਿਚ ਦਰਜ ਕੀਤਾ ਗਿਆ, ਜਦੋਂਕਿ ਸਿਰਸਾ 'ਚ 7.3, ਹਿਸਾਰ 'ਚ 7.6, ਅੰਬਾਲਾ 'ਚ 9.6, ਕਰਨਾਲ 'ਚ 7.3, ਰੋਹਤਕ 'ਚ 9.4 ਅਤੇ ਗੁਰੂਗ੍ਰਾਮ ਵਿਚ 10.4 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ | ਦਿਨ ਦਾ ਵੱਧ ਤੋਂ ਵੱਧ ਤਾਪਮਾਨ 24.1 ਡਿਗਰੀ ਸੈਲਸੀਅਸ ਫ਼ਰੀਦਾਬਾਦ ਵਿਖੇ ਦਰਜ ਕੀਤਾ ਗਿਆ |