ਸਿਆਸੀ ਨੋਟਬੰਦੀ ਸਾਬਿਤ ਹੋ ਸਕਦੀ ਹੈ ਹੱਦਬੰਦੀ-ਸ਼ਸ਼ੀ ਥਰੂਰ
ਅਜੀਤ ਡੈਸਕ
18-04-2026
ਨਵੀਂ ਦਿੱਲੀ, 17 ਅਪ੍ਰੈਲ (ਉਪਮਾ ਡਾਗਾ ਪਾਰਥ)-ਕਾਂਗਰਸੀ ਸੰਸਦ ਮੈਂਬਰ ਸ਼ਸ਼ੀ ਥਰੂਰ ਨੇ ਕੇਂਦਰ ਵਲੋਂ ਲੋਕ ਸਭਾ ਅਤੇ ਵਿਧਾਨ ਸਭਾਵਾਂ 'ਚ ਔਰਤਾਂ ਦੇ ਰਾਖਵੇਂਕਰਨ ਨਾਲ ਲਿਆਂਦੇ ਹੱਦਬੰਦੀ ਬਿੱਲ ਨੂੰ ਲੈ ਕੇ ਕੇਂਦਰ ਸਰਕਾਰ ਨੂੰ ਨਿਸ਼ਾਨਾ ਬਣਾਉਂਦਿਆਂ ਇਸ ਨੂੰ 'ਸਿਆਸੀ ਨੋਟਬੰਦੀ' ਕਰਾਰ ਦਿੱਤਾ ਅਤੇ ਇਸ ਅਮਲ ਨੂੰ ਕਾਹਲੀ 'ਚ ਲਾਗੂ ਕਰਨਾ ਦੇਸ਼ ਦੇ ਸੰਘੀ ਢਾਂਚੇ ਲਈ ਨੁਕਸਾਨਦਾਇਕ ਕਰਾਰ ਦਿੱਤਾ | ਥਰੂਰ ਨੇ ਸਾਲ 2016 'ਚ ਸਰਕਾਰ ਵਲੋਂ ਕੀਤੀ ਗਈ ਨੋਟਬੰਦੀ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਜਿਸ ਤਰ੍ਹਾਂ ਨੋਟਬੰਦੀ ਕਾਹਲੀ 'ਚ ਲਿਆਂਦੀ ਗਈ ਸੀ, ਉਸੇ ਤਰ੍ਹਾਂ ਹੱਦਬੰਦੀ ਨੂੰ ਵੀ ਕਾਹਲੀ 'ਚ ਲਿਆਂਦਾ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਅਸੀਂ ਵੇਖਿਆ ਕਿ ਨੋਟਬੰਦੀ ਦਾ ਕਿੰਨਾ ਨੁਕਸਾਨ ਹੋਇਆ ਸੀ | ਹੱਦਬੰਦੀ ਵੀ ਸਿਆਸੀ ਨੋਟਬੰਦੀ ਸਾਬਿਤ ਹੋ ਸਕਦੀ ਹੈ | ਇਸ ਲਈ ਇਸ ਨੂੰ ਲਾਗੂ ਨਾ ਕਰੋ |
