ਗੁਰਦਾਸਪੁਰ, 29 ਮਈ (ਚੱਕਰਾਜਾ/ਗੁਰਪ੍ਰਤਾਪ ਸਿੰਘ)-ਅੱਜ ਸਥਾਨਕ ਸ਼ਹਿਰ ਦੇ ਜੇਲ੍ਹ ਰੋਡ 'ਤੇ ਸਥਿਤ ਬਿਜਲੀ ਵਿਭਾਗ ਦੇ ਦਫ਼ਤਰ ਵਿਚੋਂ ਵਿਜੀਲੈਂਸ ਵਿਭਾਗ ਵਲੋਂ ਸੁਪਰਡੈਂਟ ਲੇਖਾ ਮੰਡਲ ਅੰਮਿ੍ਤਪਾਲ ਸਿੰਘ ਨੰੂ 15 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਕਾਬੂ ਕੀਤਾ ਗਿਆ | ਜਾਣਕਾਰੀ ਅਨੁਸਾਰ ਸੇਵਾ ਮੁਕਤ ਜੇ.ਈ. ਬਿਸੰਬਰ ਦਾਸ ਦਾ ਵਿਭਾਗ ਵੱਲ 1 ਲੱਖ ਰੁਪਏ ਬਕਾਇਆ ਸੀ, ਜਿਸ ਨੰੂ ਲੈਣ ਲਈ ਉਹ ਪਿਛਲੇ 1 ਸਾਲ ਤੋਂ ਬਿਜਲੀ ਵਿਭਾਗ ਦੇ ਦਫ਼ਤਰ ਵਿਖੇ ਸੁਪਰਡੈਂਟ ਕੋਲ ਚੱਕਰ ਲਗਾ ਰਿਹਾ ਸੀ | ਪਰ ਸੁਪਰਡੈਂਟ ਅੰਮਿ੍ਤਪਾਲ ਸਿੰਘ ਵਲੋਂ ਉਸ ਨੰੂ ਪਿਛਲੇ ਇਕ ਸਾਲ ਤੋਂ ਖੱਜਲ ਖੁਆਰ ਕੀਤਾ ਜਾ ਰਿਹਾ ਸੀ | ਜਿਸ ਤੋਂ ਬਾਅਦ ਪੈਸੇ ਦਿਵਾਉਣ ਦੇ ਇਵਜ ਵਿਚ ਸੁਪਰਡੈਂਟ ਅੰਮਿ੍ਤਪਾਲ ਸਿੰਘ ਵਲੋਂ ਸੇਵਾ ਮੁਕਤ ਜੇ.ਈ. ਬਿਸੰਬਰ ਦਾਸ ਪਾਸੋਂ 15 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਗਈ | ਜਿਸ ਦੀ ਜਾਣਕਾਰੀ ਬਿਸੰਬਰ ਦਾਸ ਵਲੋਂ ਵਿਜੀਲੈਂਸ ਵਿਭਾਗ ਨੰੂ ਦਿੱਤੀ ਗਈ, ਜਿਸ 'ਤੇ ਕਾਰਵਾਈ ਕਰਦੇ ਹੋਏ ਅੱਜ ਵਿਜੀਲੈਂਸ ਵਲੋਂ ਸੁਪਰਡੈਂਟ ਅੰਮਿ੍ਤਪਾਲ ਸਿੰਘ ਨੰੂ ਰੰਗੇ ਹੱਥੀਂ ਕਾਬੂ ਕਰ ਲਿਆ ਗਿਆ |
