ਚੰਡੀਗੜ੍ਹ, 26 ਜੂਨ (ਅਜਾਇਬ ਸਿੰਘ ਔਜਲਾ)- ਪ੍ਰਸਿੱਧ ਗਾਇਕ ਹੰਸ ਰਾਜ ਹੰਸ ਇੱਕ ਵਾਰ ਫਿਰ ਕਾਫ਼ੀ ਲੰਮੇ ਸਮੇਂ ਤੋਂ ਬਾਅਦ ਆਪਣੇ ਨਵੇਂ ਰੂਹਾਨੀ ਗੀਤ ‘ਓਹਦੀਆਂ ਖੇਡਾਂ’ ਨਾਲ ਸਰੋਤਿਆਂ ਦੇ ਰੂ-ਬ-ਰੂ ਹੋਏ ਹਨ। ਆਨੰਦ ਰਿਕਾਰਡਜ਼ ਅਤੇ ਸੰਜੀਵ ਆਨੰਦ ਵਲੋਂ ਪੇਸ਼ ਕੀਤਾ ਇਹ ਗੀਤ ਇਸ ਸਾਲ ਦੇ ਭਾਵਪੂਰਨ ਅਤੇ ਰੂਹਾਨੀ ਸੰਗੀਤਕ ਪ੍ਰੋਜੈਕਟਾਂ ਵਿਚੋਂ ਮੰਨਿਆ ਜਾ ਰਿਹਾ ਹੈ। ‘ਓਹਦੀਆਂ ਖੇਡਾਂ’ ਆਸਥਾ, ਭਗਤੀ ਅਤੇ ਜੀਵਨ ਦੀ ਰੂਹਾਨੀ ਯਾਤਰਾ ਨੂੰ ਸਮਰਪਿਤ ਇਕ ਵਿਸ਼ੇਸ਼ ਸੰਗੀਤਕ ਪੇਸ਼ਕਸ਼ ਹੈ। ਹੰਸ ਰਾਜ ਹੰਸ ਦੀ ਦਿਲ ਨੂੰ ਛੂਹਣ ਵਾਲੀ ਗਾਇਕੀ ਅਤੇ ਗੀਤ ਦੇ ਭਾਵਪੂਰਨ ਬੋਲ ਸਰੋਤਿਆਂ ਨੂੰ ਰੱਬੀ ਅਨੁਭੂਤੀ ਨਾਲ ਜੋੜ ਰਹੇ ਹਨ। ਇਸ ਗੀਤ ਦੇ ਬੋਲ ਪ੍ਰਸਿੱਧ ਗੀਤਕਾਰ ਸੰਜੀਵ ਆਨੰਦ ਨੇ ਲਿਖੇ ਹਨ, ਜਦਕਿ ਇਸ ਦਾ ਸੰਗੀਤ ਅਮਦਾਦ ਅਲੀ ਨੇ ਤਿਆਰ ਕੀਤਾ ਹੈ ਅਤੇ ਇਸ ਦੇ ਵੀਡੀਓ ਦਾ ਨਿਰਦੇਸ਼ਨ ਜੱਸ ਪੈੱਸੀ ਨੇ ਕੀਤਾ ਹੈ। ਇਸ ਪ੍ਰੋਜੈਕਟ ਦੀ ਨਿਰਮਾਤਾ ਹਰਸ਼ਿਤ ਆਨੰਦ ਹਨ।
