ਮੇਰਾ ਕਿਸੇ ਗਰੋਹ ਨਾਲ ਸੰਬੰਧ ਨਹੀਂ-ਸ਼ਹਿਜ਼ਾਦ ਭੱਟੀ

ਅੰਮ੍ਰਿਤਸਰ, 9 ਜੁਲਾਈ (ਸੁਰਿੰਦਰ ਕੋਛੜ)-ਦੁਬਈ ‘ਚ ਰਹਿ ਰਹੇ ਪਾਕਿਸਤਾਨੀ ਗੈਂਗਸਟਰ ਸ਼ਹਿਜ਼ਾਦ ਭੱਟੀ ਨੇ ਇਕ ਵੀਡੀਓ ਜਾਰੀ ਕਰਕੇ ਦਾਅਵਾ ਕੀਤਾ ਹੈ ਕਿ ਭਾਰਤ ‘ਚ ਕੁਝ ਅਣਪਛਾਤੇ ਲੋਕ ਉਸ ਦੇ ਨਾਂਅ ਦੀ ਗਲਤ ਵਰਤੋਂ ਕਰਕੇ ਫ਼ਿਰੌਤੀ ਅਤੇ ਧਮਕੀਆਂ ਦੇਣ ਵਾਲੀਆਂ ਕਾਲਾਂ ਕਰ ਰਹੇ ਹਨ। ਭੱਟੀ ਨੇ ਕਿਹਾ ਕਿ ਉਸ ਦਾ ਕਿਸੇ ਵੀ ਅਜਿਹੇ ਵਿਅਕਤੀ ਜਾਂ ਗਰੋਹ ਨਾਲ ਕੋਈ ਸੰਬੰਧ ਨਹੀਂ ਹੈ, ਜੋ ਉਸ ਦੇ ਨਾਂਅ ‘ਤੇ ਫ਼ਿਰੌਤੀ ਮੰਗਦੇ ਹਨ। ਉਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਉਸ ਦੇ ਆਂਅ ‘ਤੇ ਆਉਣ ਵਾਲੀ ਕਿਸੇ ਵੀ ਕਾਲ ਜਾਂ ਆਡੀਓ ਸੁਨੇਹੇ ‘ਤੇ ਭਰੋਸਾ ਨਾ ਕਰਨ।