ਵਾਇਨਾਡ ਜ਼ਮੀਨ ਖਿਸਕਣ ਦੇ ਹਾਦਸੇ ’ਚ ਮਰਨ ਵਾਲਿਆਂ ਦੀ ਗਿਣਤੀ 6 ਹੋਈ

ਨਵੀਂ ਦਿੱਲੀ, 9 ਜੁਲਾਈ (ਏਜੰਸੀ)-ਕੇਰਲ ਦੇ ਵਾਇਨਾਡ ਜ਼ਿਲ੍ਹੇ ’ਚ ਵਾਪਰੇ ਦਰਦਨਾਕ ਜ਼ਮੀਨ ਖਿਸਕਣ ਦੇ ਹਾਦਸੇ ’ਚ ਮਰਨ ਵਾਲਿਆਂ ਦੀ ਗਿਣਤੀ ਵੀਰਵਾਰ ਨੂੰ ਛੇ ਤੱਕ ਪਹੁੰਚ ਗਈ। ਬਚਾਅ ਕਾਰਜਾਂ ਦੌਰਾਨ ਤਿੰਨ ਹੋਰ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ। ਅਧਿਕਾਰੀਆਂ ਮੁਤਾਬਕ ਮ੍ਰਿਤਕਾਂ ਦੀ ਪਛਾਣ ਤਿੰਨ ਪ੍ਰਵਾਸੀ ਮਜ਼ਦੂਰਾਂ (ਉੱਤਰ ਪ੍ਰਦੇਸ਼ ਦੇ ਸਰਵੇਅਰ ਅਜ਼ਹਰੂਦੀਨ ਅੰਸਾਰੀ, ਹਿਮਾਚਲ ਪ੍ਰਦੇਸ਼ ਦੇ ਇੰਜੀਨੀਅਰ ਰਾਹੁਲ ਸ਼ਰਮਾ ਤੇ ਬਿਹਾਰ ਦੇ ਐਕਸਕਾਵੇਟਰ (ਖੁਦਾਈ ਮਸ਼ੀਨ) ਓਪਰੇਟਰ ਮੁਹੰਮਦ ਇਮਰਾਨ) ਵਜੋਂ ਹੋਈ। ਕੇਰਲ ਦੇ ਮੰਤਰੀ ਏ. ਪੀ. ਅਨਿਲ ਕੁਮਾਰ ਅਤੇ ਟੀ. ਸਿੱਦੀਕ ਨੇ ਦੱਸਿਆ ਕਿ ਇਕ ਲਾਸ਼ ਖੋਜ ਖੇਤਰ ਦੇ ਜ਼ੋਨ 1 ’ਚੋਂ ਅਤੇ ਦੂਜੀ ਨਦੀ ’ਚੋਂ ਮਿਲੀ।