ਲਖਨਊ, ਰੁੜਕੇਲਾ ਤੇ ਕਲਿੰਗਨਗਰ ਰਾਸ਼ਟਰੀ ਸਵੱਛ-ਹਵਾ ਸਰਵੇਖਣ ਸੂਚੀ ’ਚ ਸਭ ਤੋਂ ਉੱਪਰ

ਨਵੀਂ ਦਿੱਲੀ, 7 ਸਤੰਬਰ (ਪੀ. ਟੀ.

ਅ

ਅਜੀਤ ਡੈਸਕ 08-09-2026

ਨਵੀਂ ਦਿੱਲੀ, 7 ਸਤੰਬਰ (ਪੀ.ਟੀ.ਆਈ.)-ਉੱਤਰ ਪ੍ਰਦੇਸ਼ ’ਚ ਲਖਨਊ ਤੇ ਓਡੀਸ਼ਾ ’ਚ ਰੁੜਕੇਲਾ ਅਤੇ ਕਲਿੰਗਨਗਰ ਰਾਸ਼ਟਰੀ ਸਵੱਛ ਹਵਾ ਪ੍ਰੋਗਰਾਮ (ਐਨ.ਸੀ.ਏ.ਪੀ.) ਤਹਿਤ ਸਭ ਤੋਂ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਸ਼ਹਿਰਾਂ ਵਜੋਂ ਉਭਰੇ ਹਨ। ਕੇਂਦਰੀ ਵਾਤਾਵਰਣ ਮੰਤਰਾਲੇ ਨੇ ਸੋਮਵਾਰ ਨੂੰ ਸਵੱਛ ਹਵਾ ਸਰਵੇਖਣ ਪੁਰਸਕਾਰਾਂ ਦੇ 5ਵੇਂ ਸੰਸਕਰਣ ’ਚ ਉਨ੍ਹਾਂ ਦੇ ਯਤਨਾਂ ਦਾ ਸਨਮਾਨ ਕੀਤਾ। ਦੇਸ਼ ਭਰ ਦੇ ਸ਼ਹਿਰਾਂ ਤੇ ਕਸਬਿਆਂ ਨੂੰ ਸਵੱਛ ਹਵਾ ਸਰਵੇਖਣ ਫਰੇਮਵਰਕ 2022-23 ਦੇ ਅਧਾਰ ’ਤੇ ਦਰਜਾ ਦਿੱਤਾ ਗਿਆ ਸੀ, ਜਿਸ ’ਚ ਸੜਕ ਦੀ ਧੂੜ, ਵਾਹਨਾਂ ਦੇ ਨਿਕਾਸ ਤੇ ਉਦਯੋਗਿਕ ਪ੍ਰਦੂਸ਼ਣ ਵਰਗੇ ਮੁੱਦਿਆਂ ਨੂੰ ਹੱਲ ਕਰਨ ਲਈ ਉਪਾਵਾਂ ਦੀ ਰੂਪਰੇਖਾ ਦਿੱਤੀ ਗਈ ਸੀ। ਲਖਨਊ 10 ਲੱਖ ਤੋਂ ਵੱਧ ਆਬਾਦੀ ਵਾਲੇ ਸ਼ਹਿਰਾਂ ਜਾਂ ਕਸਬਿਆਂ ਦੀ ਸ਼੍ਰੇਣੀ ’ਚ ਸਿਖਰ ’ਤੇ ਹੈ, ਉਸ ਤੋਂ ਬਾਅਦ ਮੱਧ ਪ੍ਰਦੇਸ਼ ’ਚ ਇੰਦੌਰ ਤੇ ਜਬਲਪੁਰ ਹਨ। ਰਾਜਸਥਾਨ ’ਚ ਕੋਟਾ, ਪੱਛਮੀ ਬੰਗਾਲ ’ਚ ਕੋਲਕਾਤਾ ਤੇ ਤਾਮਿਲਨਾਡੂ ’ਚ ਮਦੁਰਾਈ ਇਸ ਸ਼੍ਰੇਣੀ ’ਚ ਸਭ ਤੋਂ ਹੇਠਾਂ ਸਨ। 300,000 ਤੇ 100,000 ਦੇ ਵਿਚਕਾਰ ਆਬਾਦੀ ਵਾਲੇ ਸ਼ਹਿਰਾਂ ਜਾਂ ਕਸਬਿਆਂ ਦੀ ਸ਼੍ਰੇਣੀ ’ਚ, ਰੁੜਕੇਲਾ ਤੋਂ ਬਾਅਦ ਉੱਤਰ ਪ੍ਰਦੇਸ਼ ’ਚ ਫਿਰੋਜ਼ਾਬਾਦ ਤੇ ਆਂਧਰਾ ਪ੍ਰਦੇਸ਼ ’ਚ ਗੁੰਟੂਰ ਹੈ। ਇਸ ਸ਼੍ਰੇਣੀ ’ਚ ਆਖਰੀ ਤਿੰਨ ਸ਼ਹਿਰ ਬਿਹਾਰ ’ਚ ਗਯਾ, ਕਰਨਾਟਕ ’ਚ ਗੁਲਬਰਗਾ ਤੇ ਪੰਜਾਬ ’ਚ ਜਲੰਧਰ ਸਨ। 300,000 ਤੋਂ ਘੱਟ ਆਬਾਦੀ ਵਾਲੇ ਸ਼ਹਿਰਾਂ ਜਾਂ ਕਸਬਿਆਂ ਦੀ ਸ਼੍ਰੇਣੀ ’ਚ, ਕਲਿੰਗਾ ਨਗਰ ਸੂਚੀ ’ਚ ਸਭ ਤੋਂ ਉੱਪਰ ਹੈ, ਉਸ ਤੋਂ ਬਾਅਦ ਓਡੀਸ਼ਾ ’ਚ ਅੰਗੁਲ ਅਤੇ ਤਾਲਚਰ ਹਨ। ਨਾਗਾਲੈਂਡ ਵ’ਚ ਕੋਹਿਮਾ, ਪੰਜਾਬ ’ਚ ਡੇਰਾ ਬੱਸੀ ਤੇ ਮੇਘਾਲਿਆ ਵਿਚ ਬਿਰਨੀਹਾਟ ਸਭ ਤੋਂ ਹੇਠਾਂ ਹਨ। ਸਮਾਗਮ ਦੇ ਮੁੱਖ ਮਹਿਮਾਨ, ਕਲਕੱਤਾ ਹਾਈ ਕੋਰਟ ਦੇ ਸਾਬਕਾ ਚੀਫ ਜਸਟਿਸ, ਜਸਟਿਸ ਪ੍ਰਕਾਸ਼ ਸ਼੍ਰੀਵਾਸਤਵ ਨੇ ਇਕ ਬਿਆਨ ’ਚ ਕਿਹਾ ਕਿ ਪੁਰਸਕਾਰ ਪ੍ਰਾਪਤ ਕਰਨ ਵਾਲਿਆਂ ਨੇ ਦਿਖਾਇਆ ਹੈ ਕਿ ਸਾਫ਼ ਹਵਾ ਸਿਰਫ਼ ਇਕ ਇੱਛਾ ਨਹੀਂ ਹੈ, ਸਗੋਂ ਇੱਕ ਵਿਹਾਰਕ ਟੀਚਾ ਹੈ ਜੋ ਜ਼ਮੀਨੀ ਪੱਧਰ ’ਤੇ ਸਹੀ ਯੋਜਨਾਬੰਦੀ ਤੇ ਲਾਗੂਕਰਨ ਦੁਆਰਾ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਵਿਕਾਸ ਤੇ ਵਾਤਾਵਰਣ ਸੁਰੱਖਿਆ ਟਕਰਾਅ ’ਚ ਨਹੀਂ ਹਨ, ਪਰ ਨਾਗਰਿਕਾਂ ਦੇ ਜੀਵਨ ਦੀ ਗੁਣਵੱਤਾ ਨੂੰ ਬਣਾਈ ਰੱਖਦੇ ਹੋਏ ਨਾਲ-ਨਾਲ ਚੱਲ ਸਕਦੇ ਹਨ। ਇਹ ਯਕੀਨੀ ਬਣਾਉਣਾ ਹਰ ਨਾਗਰਿਕ ਦੀ ਜ਼ਿੰਮੇਵਾਰੀ ਹੈ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਇਕ ਸਾਫ਼ ਵਾਤਾਵਰਣ ’ਚ ਰਹਿਣ।