ਪਾਕਿ ਦੀ ਬਲੋਚਿਸਤਾਨ ਅਸੈਂਬਲੀ ’ਚ ਗੂੰਜਿਆ ਨਾਬਾਲਗ ਹਿੰਦੂ ਲੜਕੀ ਦੇ ਅਗਵਾ ਦਾ ਮਾਮਲਾ ਸੰਸਦੀ ਸਕੱਤਰ ਸੰਜੇ ਕੁਮਾਰ ਪੰਜਵਾਨੀ ਨੇ ਚੁੱਕਿਆ ਮੁੱਦਾ

ਭ

ਭਰਚੂੰਡੀ ਸ਼ਰੀਫ਼ ਦਰਗਾਹ ਦਾ ਮੌਲਵੀ ਨਾਬਾਲਗ ਹਿੰਦੂ ਲੜਕੀ ਨੂੰ ਕਲਮਾ ਪੜ੍ਹਾਉਂਦਾ ਹੋਇਆ। ਤਸਵੀਰ ਰਾਹੀਂ : ਸੁਰਿੰਦਰ ਕੋਛੜ 21-10-2026

ਅੰਮ੍ਰਿਤਸਰ, 20 ਅਕਤੂਬਰ (ਸੁਰਿੰਦਰ ਕੋਛੜ)-ਬਲੋਚਿਸਤਾਨ ਦੇ ਸਿਬੀ ਸ਼ਹਿਰ ਤੋਂ 13 ਸਾਲਾ ਹਿੰਦੂ ਲੜਕੀ ਬਿੰਦੀਆ ਕੁਮਾਰੀ ਦੇ ਅਗਵਾ, ਧਰਮ ਪਰਿਵਰਤਨ ਅਤੇ ਨਿਕਾਹ ਦਾ ਮਾਮਲਾ ਬਲੋਚਿਸਤਾਨ ਅਸੈਂਬਲੀ ’ਚ ਸੰਸਦੀ ਸਕੱਤਰ ਸੰਜੇ ਕੁਮਾਰ ਪੰਜਵਾਨੀ ਨੇ ਚੁੱਕਦਿਆਂ ਪਾਕਿ ’ਚ ਬਾਲ ਸੁਰੱਖਿਆ, ਧਾਰਮਿਕ ਆਜ਼ਾਦੀ ਅਤੇ ਸਹਿਮਤੀ ਦੇ ਮੁੱਦਿਆਂ ’ਤੇ ਗੰਭੀਰ ਸਵਾਲ ਖੜ੍ਹੇ ਕੀਤੇ। ਪੰਜਵਾਨੀ ਨੇ ਸਪੀਕਰ ਸਾਹਮਣੇ ਇਹ ਗੰਭੀਰ ਮੁੱਦਾ ਚੁੱਕਦਿਆਂ ਲੜਕੀ ਨੂੰ ਜਲਦ ਬਰਾਮਦ ਕਰਕੇ ਉਸ ਦੇ ਮਾਪਿਆਂ ਹਵਾਲੇ ਕਰਨ ਦੀ ਮੰਗ ਕੀਤੀ ਹੈ । ਉਨ੍ਹਾਂ ਦੱਸਿਆ ਕਿ ਲੜਕੀ ਦੀ ਮਾਤਾ ਦੀ ਹਾਲਤ ਬੇਹੱਦ ਖ਼ਰਾਬ ਹੈ ਅਤੇ ਦਾਦੀ ਲਗਾਤਾਰ ਰੋ-ਰੋ ਕੇ ਬੱਚੀ ਨੂੰ ਵਾਪਸ ਲਿਆਉਣ ਦੀ ਗੁਹਾਰ ਲਗਾ ਰਹੀ ਹੈ। ਸੰਜੇ ਕੁਮਾਰ ਨੇ ਅਸੈਂਬਲੀ ਸਪੀਕਰ ਰਾਹੀਂ ਸਿੰਧ ਦੇ ਮੁੱਖ ਮੰਤਰੀ ਅਤੇ ਸਿੰਧ ਪੁਲਿਸ ਦੇ ਆਈ. ਜੀ. ਨੂੰ ਅਪੀਲ ਕੀਤੀ ਹੈ ਕਿ ਇਸ ਮਾਮਲੇ ‘ਤੇ ਸਖ਼ਤ ਨੋਟਿਸ ਲਿਆ ਜਾਵੇ।