ਬਾਘਾ ਪੁਰਾਣਾ, 6 ਮਈ (ਟਿੰਕੂ ਕਾਠਪਾਲ)-ਨਗਰ ਕੌਂਸਲ ਦਫ਼ਤਰ ਦੇ ਬਾਹਰ ਸਫ਼ਾਈ ਸੇਵਕ ਯੂਨੀਅਨ ਪੰਜਾਬ ਦੇ ਸੱਦੇ 'ਤੇ ਨਗਰ ਕੌਂਸਲ ਕਰਮਚਾਰੀਆਂ ਵਲੋਂ ਹੜਤਾਲ ਕਰਕੇ ਧਰਨਾ ਲਗਾ ਕੇ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ ਗਈ | ਹੜਤਾਲ ਦਾ ਕਾਰਨ ਮੁਲਾਜ਼ਮਾਂ ਦੀਆਂ ਪਿਛਲੇ ਸਮੇਂ ਤੋਂ ਪੰਜਾਬ ਸਰਕਾਰ ਕੋਲ ਰੱਖੀਆਂ ਹੱਕੀ ਮੰਗਾਂ ਨਾ ਮੰਨੇ ਜਾਣਾ ਹੈ | ਸਫ਼ਾਈ ਸੇਵਕ ਯੂਨੀਅਨ ਦੇ ਪੰਜਾਬ ਸਫ਼ਾਈ ਸੇਵਕ ਯੂਨੀਅਨ ਮੁੱਖ ਸਲਾਹਕਾਰ ਮਾਤਾਦੀਨ, ਪ੍ਰਧਾਨ ਮਨਜੀਤ ਸਿੰਘ ਸੈਕਟਰੀ ਹਰਿੰਦਰਪਾਲ ਵਾਈਸ ਪ੍ਰਧਾਨ ਭਾਗ ਮੱਲ ਅਤੇ ਚੇਅਰਮੈਨ ਦਲੀਪ ਕੁਮਾਰ ਨੇ ਦੱਸਿਆ ਕਿ ਇਹ ਜਾਇਜ਼ ਮੰਗਾਂ ਸਰਕਾਰ ਲਗਾਤਾਰ ਚਾਰ ਸਾਲਾਂ ਤੋਂ ਮੁੱਕਰਦੀ ਆ ਰਹੀ ਹੈ | ਇਸ ਮੌਕੇ ਸਫ਼ਾਈ ਸੇਵਕ ਯੂਨੀਅਨ ਦੇ ਕਲਾਕਾਰ ਰਣਜੀਤ ਸਿੰਘ, ਪੈੱ੍ਰਸ ਸਕੱਤਰ ਨਟਵਰ ਲਾਲ, ਪੱਪੂ ਸਿੰਘ ਮੇਟ ਰਾਜ ਕੁਮਾਰ ਮੇਟ ਵੀਰ ਪ੍ਰਕਾਸ਼, ਹਰਦੀਪ ਸਿੰਘ ਪ੍ਰਧਾਨ, ਸੂਬਾ ਸੈਕਟਰੀ ਲਛਮਣ ਸਿੰਘ, ਜ਼ਿਲ੍ਹਾ ਪ੍ਰਧਾਨ ਰਾਜਨ ਬੱਗਾ, ਸੰਦੀਪ ਸਿੰਘ, ਅਮਨਦੀਪ ਕੌਰ, ਡੋਲੀ ਗੋਇਲ, ਖੁਸ਼ਪ੍ਰੀਤ ਕੌਰ ਪ੍ਰਭਜੀਤ ਕੌਰ, ਪ੍ਰਨੀਤ ਕੌਰ, ਜਬਰਜੰਗ ਸਿੰਘ ਅਤੇ ਅਮਰਜੀਤ ਸਿੰਘ ਅਤੇ ਹੋਰ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ |