ਮੋਗਾ, 25 ਮਈ (ਜਸਪਾਲ ਸਿੰਘ ਬੱਬੀ)-ਭਾਰਤ ਵਿਕਾਸ ਪ੍ਰੀਸ਼ਦ ਮੋਗਾ ਸ਼ਾਖਾ ਕੋਰ ਕਮੇਟੀ ਦੀ ਮੀਟਿੰਗ ਖ਼ਜ਼ਾਨਚੀ ਮਨਮੋਹਨ ਅਰੋੜਾ ਦੇ ਦਿਸ਼ਾ ਨਿਰਦੇਸ਼ ਤੇ ਸ਼ਾਖਾ ਪ੍ਰਧਾਨ ਸੁਧੀਰ ਕੋਹਲੀ ਦੀ ਪ੍ਰਧਾਨਗੀ ਹੇਠ ਮੋਗਾ ਵਿਖੇ ਹੋਈ | ਮਹਿੰਦਰ ਜਿੰਦਲ ਸੂਬਾ ਆਗੂ, ਗੁਰਜੀਤ ਸਿੰਘ ਐਗਜ਼ੈਕਟਿਵ ਮੈਂਬਰ ਨੇ ਦੱਸਿਆ ਕਿ ਨੇਚਰ ਪਾਰਕ ਮੋਗਾ ਵਿਖੇ ਕਲੱਬ ਵਲੋਂ ਗਰਮੀ ਦੇ ਪ੍ਰਕੋਪ ਨੂੰ ਵਧਦਿਆਂ ਦੇਖਦਿਆ ਵਾਟਰ ਕੂਲਰ ਅੱਜ ਲਗਾਇਆ ਗਿਆ | ਸੂਬਾ ਆਗੂ ਡਾ. ਰਾਜੇਸ਼ ਪੁਰੀ ਨੇ ਕੋਟਕਪੂਰਾ ਵਿੱਚ ਹੋਈ ਮੀਟਿੰਗ ਦੌਰਾਨ ਲਏ ਫ਼ੈਸਲਿਆਂ ਦੀ ਜਾਣਕਾਰੀ ਦਿੱਤੀ | ਉਨ੍ਹਾਂ ਕਿਹਾ ਕਿ ਕੇਂਦਰ ਦੇ ਨਿਰਦੇਸ਼ਾਂ ਅਨੁਸਾਰ ਹਰ ਸ਼ਾਖਾ ਨੂੰ ਆਰਥਿਕ ਤੌਰ 'ਤੇ ਅੱਗੇ ਵਧਾਇਆ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਲੋੜਵੰਦ 5 ਪਰਿਵਾਰਾਂ ਨੂੰ ਸਹਾਇਤਾ ਦੇ ਕੇ ਆਤਮ ਨਿਰਭਰ ਬਨਾਇਆ ਜਾਵੇਗਾ | ਸ੍ਰੀ ਗੁਰੂ ਅਰਜੁਨ ਦੇਵ ਜੀ ਦੇ ਸ਼ਹੀਦੀ ਦਿਨ 'ਤੇ ਠੰਢੇ ਮਿੱਠੇ ਜਲ ਦੀ ਛਬੀਲ ਵੀ ਲਗਾਈ ਜਾਵੇਗੀ | ਵਾਤਾਵਰਣ ਪ੍ਰੇਮੀ ਸੁਰਿੰਦਰ ਅਗਰਵਾਲ ਨੇ ਗਰਮੀ ਦੇ ਮੌਸਮ ਵਿਚ ਪਾਰਕ ਵਿਚ ਪੰਛੀਆਂ ਲਈ ਦਾਣਾ, ਪਾਣੀ ਰੱਖਣ ਦਾ ਸੁਝਾਅ ਦਿੱਤਾ ਹੈ | ਮੀਟਿੰਗ ਵਿਚ ਗੁਰਜੀਤ ਸਿੰਘ ਐਗਜ਼ੈਕਟਿਵ ਮੈਂਬਰ, ਮਨੋਜ ਮੋਂਗਾ, ਸੁਮਨ ਕਾਂਤਜ, ਜੈਦੀਪ ਕਟਾਰੀਆ, ਰਾਕੇਸ਼ ਸਚਦੇਵਾ, ਸਤੀਸ਼ ਬਾਂਸਲ, ਨਰੇਸ਼ ਧੀਰ, ਰਾਕੇਸ਼ ਗੋਇਲ, ਨੀਰੂ ਅਗਰਵਾਲ, ਗੁਰੂਵੰਦਨ, ਨਿਸ਼ੀ ਰਾਕੇਸ਼ ਵਿਜ ਹਾਜ਼ਰ ਸਨ |
