ਮੋਗਾ, 9 ਜੂਨ (ਜਸਪਾਲ ਸਿੰਘ ਬੱਬੀ)-ਭਾਰਤ ਵਿਕਾਸ ਪ੍ਰੀਸ਼ਦ ਮੋਗਾ ਸ਼ਾਖਾ ਵਲੋਂ ਸ਼ਹੀਦੀ ਪਾਰਕ ਹਾਲ ਮੋਗਾ ਵਿਖੇ ਸਹੁੰ ਚੁੱਕ ਸਮਾਗਮ ਅਤੇ ਪਰਿਵਾਰ ਮਿਲਨ ਸਮਾਰੋਹ ਦੀ ਪ੍ਰਧਾਨਗੀ ਪੰਜਾਬ ਦੱਖਣੀ ਦੇ ਸਰਪ੍ਰਸਤ ਰਾਜ ਕੁਮਾਰ ਗੁਪਤਾ ਨੇ ਕੀਤੀ | ਸ਼ਾਖਾ ਪ੍ਰਧਾਨ ਸੁਧੀਰ ਕੋਹਲੀ ਨੇ ਜੀ ਆਇਆ ਕਿਹਾ | ਕੋਆਰਡੀਨੇਟਰ ਡਾ. ਰਾਜੇਸ਼ ਪੁਰੀ ਨੇ ਕੌਂਸਲ ਦੀ ਜਾਣ-ਪਹਿਚਾਣ ਕਰਵਾਈ ਅਤੇ ਮੈਂਬਰਾਂ ਨੂੰ ਇਸ ਦੇ ਕੰਮ ਬਾਰੇ ਦੱਸਿਆ | ਵਿੱਤ ਸਕੱਤਰ ਮਨਮੋਹਨ ਅਰੋੜਾ ਅਤੇ ਸਕੱਤਰ ਮਹੇਸ਼ ਗੁਪਤਾ ਨੇ ਮੈਂਬਰਾਂ ਨੂੰ ਸਾਲ 2025-26 ਲਈ ਵਿੱਤੀ ਰਿਪੋਰਟ ਪੇਸ਼ ਕੀਤੀ | ਪ੍ਰੋਜੈਕਟ ਇੰਚਾਰਜ ਰਾਕੇਸ਼ ਸਚਦੇਵਾ ਨੇ ਸਟੇਜ ਸੰਚਾਲਨ ਕੀਤਾ | ਚੇਅਰਮੈਨ ਰਾਜ ਕੁਮਾਰ ਗੁਪਤਾ ਨੇ ਸਾਲ 2026-27 ਲਈ ਸੁਧੀਰ ਕੋਹਲੀ ਨੂੰ ਪ੍ਰਧਾਨ, ਮਹੇਸ਼ ਗੁਪਤਾ ਨੂੰ ਸਕੱਤਰ ਅਤੇ ਮਨਮੋਹਨ ਅਰੋੜਾ ਨੂੰ ਵਿੱਤ ਸਕੱਤਰ ਵਜੋਂ ਸਹੁੰ ਚੁਕਾਈ | ਇਸ ਮੌਕੇ 80 ਸਾਲ ਤੋਂ ਵੱਧ ਉਮਰ ਦੇ ਮੈਂਬਰਾਂ ਬੋਧਰਾਜ ਮਜੀਠੀਆ, ਭਗਵਾਨ ਦਾਸ ਗੁਪਤਾ, ਮਹਿੰਦਰ ਜਿੰਦਲ, ਯਸ਼ਪਾਲ ਗਰੋਵਰ ਅਤੇ ਮਨਮੋਹਨ ਗਰਗ ਨੂੰ ਸਨਮਾਨਿਤ ਕੀਤਾ | ਨਵੇਂ ਮੈਂਬਰਾਂ ਦਵਿੰਦਰ ਮੋਗਲਾ, ਅਮਰਜੀਤ ਗੁਪਤਾ, ਵਿਸ਼ਵਾਸ ਸਚਦੇਵਾ ਅਤੇ ਅਸ਼ੀਸ਼ ਕੋਹਲੀ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕੀਤੇ | ਇਸ ਮੌਕੇ ਸੁਨੀਲ ਜੈਨ, ਰਾਕੇਸ਼ ਸਚਦੇਵਾ, ਸੁਮਨ ਕਾਂਤ ਵਿਜ, ਮਨੋਜ ਮੋਂਗਾ, ਰਾਜਿੰਦਰ ਸਚਦੇਵਾ, ਨਿਸ਼ੀ ਰਾਕੇਸ਼ ਵਿਜ ਸ਼ਾਮਲ ਹਨ |
