ਬੀਬੀ ਸ਼ਰੀਫ਼ਾ ਤਖ਼ਤੂਪੁਰਾ ਨਮਿਤ ਦੋ ਧਰਮਾਂ ਦੇ ਰੀਤੀ ਰਵਾਇਤਾਂ ਅਨੁਸਾਰ ਹੋਇਆ ਸ਼ਰਧਾਂਜਲੀ ਸਮਾਗਮ

ਨਿਹਾਲ ਸਿੰਘ ਵਾਲਾ, 8 ਸਤੰਬਰ (ਸੁਖਦੇਵ ਸਿੰਘ ਖ਼ਾਲਸਾ)-ਸਿੱਖ ਗੁਰੂ ਸਾਹਿਬਾਨਾਂ ਦੇ ਦਿੱਤੇ ਸੁਨਹਿਰੀ ਉਪਦੇਸ਼ਾਂ ‘ਤੇ ਫ਼ੁੱਲ ਚੜ੍ਹਾਉਂਦਿਆਂ ਤਿੰਨ ਪਾਤਸ਼ਾਹੀਆਂ ਦੀ ਚਰਨਛੋਹ ਧਰਤੀ ਪਿੰਡ ਤਖ਼ਤੂਪੁਰਾ ਵਿਖੇ ਮੁਸਲਮਾਨ ਭਾਈਚਾਰੇ ਦੇ ਰੌਸ਼ਨ ਖਾਨ, ਰੇਸ਼ਮ ਖਾਨ ਅਤੇ ਬਬਨ ਖਾਨ ਦੀ ਸਤਿਕਾਰਯੋਗ ਮਾਤਾ ਅਤੇ ਸਮੁੱਚੇ ਪਿੰਡ ਤਖ਼ਤੂਪੁਰਾ ਦੇ ਹਰ ਦੁੱਖ ਸੁੱਖ ‘ਚ ਸ਼ਾਮਿਲ ਹੋਣ ਵਾਲੀ ਬੀਬੀ ਸ਼ਰੀਫ਼ਾ ਜੋ ਕੁਝ ਦਿਨ ਪਹਿਲਾਂ ਅੱਲਾ ਨੂੰ ਪਿਆਰੀ ਹੋ ਗਈ ਸੀ, ਨਮਿਤ ਪਰਿਵਾਰ ਵਲੋਂ ਕੁਰਾਨ ਸ਼ਰੀਫ਼ (ਖ਼ਤਮ ਏ ਦਰੂਦ) ਦੇ ਪਾਠ ਉਪਰੰਤ ਨਮਾਜ਼ ਅਦਾ ਕੀਤੀ ਗਈ। ਇਸ ਉਪਰੰਤ ਸਮੁੱਚੇ ਮੁਸਲਮਾਨ ਭਾਈਚਾਰੇ ਅਤੇ ਪਿੰਡ ਤਖ਼ਤੂਪੁਰਾ ਨਿਵਾਸੀਆਂ ਵਲੋਂ ਸਾਂਝੇ ਤੌਰ ‘ਤੇ ਗੁਰਦੁਆਰਾ ਪਹਿਲੀ ਪਾਤਸ਼ਾਹੀ ਨਾਨਕਸਰ ਤਖ਼ਤੂਪੁਰਾ ਵਿਖੇ ਹੋਏ ਅੰਤਿਮ ਅਰਦਾਸ ਤੇ ਸ਼ਰਧਾਂਜਲੀ ਸਮਾਗਮ ਨੇ ਇਲਾਕੇ ਭਰ ਵੱਖਰੀ ਮਿਸਾਲ ਕਾਇਮ ਕੀਤੀ।

Ad Position 21