ਲਹਿਰਾਗਾਗਾ, 2 ਫਰਵਰੀ (ਅਸ਼ੋਕ ਗਰਗ) - ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਇਕਾਈ ਲਹਿਲ ਕਲਾਂ ਦੀ ਨਵੀਂ ਇਕਾਈ ਦੀ ਚੋਣ ਕੀਤੀ ਗਈ ਤੇ ਪਿੰਡ ਵਾਸੀਆਂ ਦੀ ਸਹਿਮਤੀ ਨਾਲ ਪ੍ਰੀਤਮ ਸਿੰਘ ਲਹਿਲ ਕਲਾਂ ਨੂੰ ਮੁੜ ਇਕਾਈ ਦਾ ਪ੍ਰਧਾਨ ਬਣਾਇਆ ਗਿਆ | ਬਲਾਕ ਲਹਿਰਾਗਾਗਾ ਦੇ ਕਾਰਜਕਾਰੀ ਪ੍ਰਧਾਨ ਗੁਰਪ੍ਰੀਤ ਸਿੰਘ ਸੰਗਤਪੁਰਾ ਨੇ ਸੰਬੋਧਨ ਕਰਦਿਆਂ ਕਿਹਾ ਸਰਕਾਰ ਨਵੀਂਆਂ ਮਾਰੂ ਨੀਤੀਆਂ ਲਿਆ ਰਹੀ ਹੈ | ਕਿਸਾਨ ਮਜ਼ਦੁਰਾਂ ਅਤੇ ਦੁਕਾਨਦਾਰਾਂ ਨੂੰ ਇਕੱਠੇ ਹੋ ਕੇ ਏਕਤਾ ਕਰਨ ਦੀ ਲੋੜ ਹੈ | ਆਗੂ ਝੂਠੇ ਵਾਅਦੇ ਕਰਕੇ ਲੋਕਾਂ ਤੋ ਵੋਟਾਂ ਲੈ ਜਾਂਦੇ ਹਨ ਪਰ 5 ਸਾਲ ਮੁੜ ਕੇ ਲੋਕਾਂ ਦੀ ਸਾਰ ਨਹੀ ਲੈਂਦੇ | ਬਲਾਕ ਦੇ ਆਗੂ ਸਿਵਰਾਜ ਸਿੰਘ ਗੂਰਨੇ ਕਲਾ, ਰਾਮ ਚੰਦ ਚੋਟੀਆ, ਨਿਹਾਲ ਸਿੰਘ, ਚੋਟੀਆ, ਖਜ਼ਾਨਚੀ, ਗੱਗੀ ਸਿੰਘ, ਲਹਿਲ ਕਲਾਂ, ਭੋਲਾ ਸਿੰਘ ਲਹਿਲ ਕਲਾਂ, ਮਿਠੂ ਸਿੰਘ ਲਹਿਲ ਕਲਾਂ, ਜੇਬ ਸਿੰਘ ਲਹਿਲ ਕਲਾਂ ਮੌਜੂਦ ਸਨ |
