ਸ਼ੇਰਪੁਰ, 24 ਮਈ (ਮੇਘ ਰਾਜ ਜੋਸ਼ੀ) - ਸਮਾਜ ਸੇਵੀ ਪਿਆਰਾ ਸਿੰਘ ਮਾਹਾਮਦਪੁਰ ਦੀ ਅਗਵਾਈ 'ਚ ਏਕ ਜੋਤ ਆਈ ਹਸਪਤਾਲ ਮਲੇਰਕੋਟਲਾ ਦੀ ਟੀਮ ਦੇ ਸਹਿਯੋਗ ਨਾਲ ਪਿੰਡ ਭਗਵਾਨਪੁਰਾ ਵਿਖੇ ਮੁਫ਼ਤ ਅੱਖਾਂ ਦਾ ਚੈੱਕਅਪ ਕੈਂਪ ਲਗਾਇਆ ਗਿਆ, ਜਿਸ ਦਾ ਉਦਘਾਟਨ ਮੈਡਮ ਸਰਪੰਚ ਰੁਪਾਲੀ ਭਗਵਾਨਪੁਰਾ ਨੇ ਕੀਤਾ | ਏਕ ਜੋਤ ਆਈ ਹਸਪਤਾਲ ਮਲੇਰਕੋਟਲਾ ਦੇ ਅੱਖਾਂ ਦੇ ਮਾਹਰ ਡਾ. ਅਜੇ ਕੁਮਾਰ ਯਾਦਵ, ਸਟਾਫ਼ ਨਰਸ ਗਗਨਦੀਪ ਕੌਰ ਅਤੇ ਸੰਦੀਪ ਸਿੰਘ ਦੀ ਟੀਮ ਨੇ 60 ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ ਅਤੇ ਮੁਫ਼ਤ ਦਵਾਈਆਂ ਦਿੱਤੀਆਂ ਗਈਆਂ, 8 ਮਰੀਜ਼ਾਂ ਨੂੰ ਮੁਫ਼ਤ ਅਪਰੇਸ਼ਨ ਲਈ ਚੁਣਿਆ ਗਿਆ | ਇਸ ਮੌਕੇ ਸਾਬਕਾ ਸਰਪੰਚ ਮਾਸਟਰ ਰਾਮ ਨਾਥ, ਆਪ ਆਗੂ ਚੇਤਨ ਰਿਸ਼ੀ, ਡਾ ਲਖਵੀਰ ਸਿੰਘ, ਕਿਸਾਨ ਆਗੂ ਅਵਤਾਰ ਸਿੰਘ, ਜਗਦੇਵ ਰਿਸ਼ੀ, ਦੇਵਿੰਦਰ ਰਿਸ਼ੀ, ਸਾਰਿਤਾ ਰਾਣੀ, ਪੰਚ ਮੋਨੂੰ ਸ਼ਰਮਾ, ਪੰਚ ਪ੍ਰਦੀਪ ਸ਼ਰਮਾ, ਪਰਮਜੀਤ ਕੌਰ, ਹੈਪੀ ਬਾਬਾ, ਡਾ ਨਰੇਸ਼ ਕੁਮਾਰ, ਪ੍ਰਵੀਨ ਰਾਣੀ, ਰਣਜੀਤ ਸਿੰਘ ਚਹਿਲ, ਸਵਰਨ ਸਿੰਘ, ਸਰਬਜੀਤ ਰਿਸ਼ੀ, ਪ੍ਰੀਤ ਰਿਸ਼ੀ, ਗੁਰਵੰਸ ਸਿੰਘ ਆਦਿ ਮੌਜੂਦ ਸਨ |
