ਤਪਾ ਮੰਡੀ, 4 ਜੁਲਾਈ (ਪ੍ਰਵੀਨ ਗਰਗ)-ਪੰਚਮੁਖੀ ਹਨੂੰਮਾਨ ਅਤੇ ਸ਼ਨੀਦੇਵ ਮੰਦਰ ਕਮੇਟੀ ਵਲੋਂ ਸ਼ਰਧਾਲੂਆਂ ਦੀ ਇਕ ਬੱਸ ਮਾਤਾ ਚਿੰਤਪੁਰਨੀ ਅਤੇ ਜਵਾਲਾ ਜੀ ਮਾਤਾ ਦੇ ਦਰਸ਼ਨਾਂ ਲਈ ਲਿਜਾਈ ਗਈ। ਜਿਸ ਨੂੰ ਮੰਦਰ ਕਮੇਟੀ ਦੇ ਸੀਨੀਅਰ ਮੈਂਬਰ ਪ੍ਰਦੀਪ ਗੁਪਤਾ ਲੋਹੇ ਵਾਲਿਆਂ ਨੇ ਝੰਡੀ ਦੇ ਕੇ ਰਵਾਨਾ ਕੀਤਾ। ਪ੍ਰਬੰਧਕਾਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਬੱਸ ਦੋ ਦਿਨਾਂ ਲਈ ਮਾਤਾ ਚਿੰਤਪੁਰਨੀ, ਜਵਾਲਾ ਮੁਖੀ, ਬੰਗਲਾ ਮੁਖੀ, ਕਲੇਸ਼ਵਰ ਮਹਾਂਦੇਵ ਦੇ ਦਰਸ਼ਨ ਕਰ ਕੇ ਐਤਵਾਰ ਨੂੰ ਵਾਪਸ ਆਵੇਗੀ। ਇਸ ਦੌਰਾਨ ਸ਼ਰਧਾਲੂਆਂ ’ਚ ਪਾ ਦੀ ਉਤਸ਼ਾਹ ਦੇਖਣ ਨੂੰ ਮਿਲਿਆ ਅਤੇ ਭਗਤ ਜੈਕਾਰੇ ਲਾਉਂਦੇ ਹੋਏ ਮਾਤਾ ਦੇ ਦਰਸ਼ਨਾਂ ਲਈ ਰਵਾਨਾ ਹੋਏ। ਇਸ ਮੌਕੇ ਹਰੀਸ਼ ਮਿੱਤਲ ਗੋਸ਼ਾ, ਹੀਰਾ ਲਾਲ ਕਾਲਾ, ਟੀਟੂ ਦੀਕਸ਼ਿਤ, ਭੁਪਿੰਦਰ ਭੁੱਟੋ, ਕਰਨ ਮਿੱਤਲ, ਕੀਰਤੀ ਦੇਵ, ਵਿੰਨੀ, ਬਲਜਿੰਦਰ, ਦੀਪੂ ਭੈਣੀ, ਲਵੀਸ਼ ਗਰਗ, ਰਾਜੂ ਤਾਜੋ, ਸ਼ੀਲਾ ਤਾਜੋ, ਚੀਨੂ ਮੋੜ, ਮਾਧਮ ਮਿੱਤਲ, ਸ਼ੈਲੀ, ਦਵਿੰਦਰ ਟੀਟੂ, ਸੋਮਾ ਧੂਰਕੋਟ, ਨੀਨਾ ਮੋੜ, ਰਾਜੂ ਆਦਿ ਸ਼ਰਧਾਲੂ ਮੌਜੂਦ ਸਨ।
