ਮੱਲਾਂਵਾਲਾ, 1 ਫਰਵਰੀ (ਗੁਰਦੇਵ ਸਿੰਘ/ਸੁਰਜਨ ਸਿੰਘ ਸੰਧੂ)-ਲੋਪੋ ਸੰਪਰਦਾਇ ਵਲੋਂ 6 ਤੋਂ 8 ਫਰਵਰੀ ਤੱਕ ਦਰਬਾਰ ਧਾਰਮਿਕ ਨੂਰੀ ਦੀਵਾਨ ਸਜਾਏ ਜਾਣਗੇ | ਇਹ ਜਾਣਕਾਰੀ ਗੁਰਮੇਲ ਸਿੰਘ ਵਲਟੋਹਾ ਟਰਾਂਸਪੋਰਟਰ, ਬਲਵਿੰਦਰ ਸਿੰਘ ਲੋਹੁਕੇ ਨੇ ਦਿੰਦਿਆਂ ਦੱਸਿਆ ਕਿ ਇਹ ਧਾਰਮਿਕ ਸਮਾਗਮ ਦਾਣਾ ਮੰਡੀ ਮੱਲਾਂਵਾਲਾ ਵਿਖੇ ਕਰਵਾਏ ਜਾਣਗੇ | ਜਿਸ 'ਚ 6 ਫਰਵਰੀ ਨੂੰ ਸ੍ਰੀ ਅਖੰਡ ਪਾਠ ਸਾਹਿਬ ਆਰੰਭ ਹੋਣਗੇ ਅਤੇ 7 ਤੇ 8 ਫਰਵਰੀ ਨੂੰ ਧਾਰਮਿਕ ਨੂਰੀ ਦੀਵਾਨ ਸਜਣਗੇ, ਜਿਸ 'ਚ ਸਵੇਰੇ 8 ਤੋਂ ਦੁਪਹਿਰ 1 ਵਜੇ ਤੱਕ ਕਵੀਸ਼ਰੀ ਜਥੇ ਗੁਰੂ ਜੱਸ ਕਰਨਗੇ ਤੇ ਦੁਪਹਿਰ 1 ਤੋਂ 3 ਵਜੇ ਤੱਕ ਸੰਤ ਜਗਜੀਤ ਸਿੰਘ ਲੋਪੋ ਵਾਲਿਆਂ ਵਲੋਂ ਅਮਰ ਕਥਾ ਸੁਣਾਈ ਜਾਵੇਗੀ | ਅਖੀਰ ਗੁਰੂ ਕਾ ਲੰਗਰ ਵਰਤਾਇਆ ਜਾਵੇਗਾ |
