ਮੱਲਾਂਵਾਲਾ, 7 ਮਾਰਚ (ਗੁਰਦੇਵ ਸਿੰਘ, ਸੁਰਜਨ ਸਿੰਘ ਸੰਧੂ)-ਨਹਿਰੀ ਖਾਲਾ ਵਾਹ ਅਤੇ ਇੱਟਾਂ ਚੁੱਕ ਕੇ ਲਿਜਾਉਣ ਦੇ ਦੋਸ਼ ਹੇਠ ਥਾਣਾ ਮੱਲਾਂਵਾਲਾ ਪੁਲਿਸ ਨੇ ਇਕ ਵਿਅਕਤੀ ਵਿਰੁੱਧ ਮੁਕੱਦਮਾ ਦਰਜ ਕੀਤਾ ਹੈ | ਸਹਾਇਕ ਥਾਣੇਦਾਰ ਦਰਸ਼ਨ ਸਿੰਘ ਅਨੁਸਾਰ ਸ਼ਿਕਾਇਤਕਰਤਾ ਉਪ ਮੁੱਖ ਮੰਡਲ ਅਫ਼ਸਰ ਸਰਹੰਦ ਫੀਡਰ ਫ਼ਿਰੋਜ਼ਪੁਰ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਮੁਲਜ਼ਮ ਇਕਬਾਲ ਸਿੰਘ ਵਲੋਂ ਨਹਿਰੀ ਖਾਲਾ ਵਾਹ ਦਿੱਤਾ ਹੈ ਅਤੇ ਖਾਲ ਦੀਆਂ ਇੱਟਾਂ ਅਤੇ ਮਲਬਾ ਸਾਰਾ ਚੁੱਕ ਕੇ ਲੈ ਗਿਆ | ਪੁਲਿਸ ਵਲੋਂ ਮੁੱਦਈ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਮੁਲਜ਼ਮ ਖ਼ਿਲਾਫ਼ ਥਾਣਾ ਮੱਲਾਂਵਾਲਾ ਵਿਖੇ ਮੁਕੱਦਮਾ ਦਰਜ ਕਰ ਲਿਆ ਹੈ |
