ਫ਼ਿਰੋਜ਼ਪੁਰ, 8 ਅਪ੍ਰੈਲ (ਕੁਲਬੀਰ ਸਿੰਘ ਸੋਢੀ)-ਅਮਨਦੀਪ ਹਸਪਤਾਲ ਫ਼ਿਰੋਜ਼ਪੁਰ ਨੇ ਉਜਾਲਾ ਸਿਗਨਸ ਦੇ ਨਾਲ ਸਾਂਝੇਦਾਰੀ ਵਿਚ ਵਿਸ਼ਵ ਸਿਹਤ ਦਿਵਸ ਮਨਾਉਣ ਲਈ ਪੈੱ੍ਰਸ ਕਾਨਫ਼ਰੰਸ ਦਾ ਆਯੋਜਨ ਕੀਤਾ | ਇਸ ਸਾਲ ਦਾ ਵਿਸ਼ਾ ਸੀ ''ਸਿਹਤ ਲਈ ਇੱਕਜੁੱਟ ਹੋਵੋ | ਵਿਗਿਆਨ ਦੇ ਨਾਲ ਖੜੇ ਹੋਵੋ'' ਇਹ ਵਿਸ਼ਾ ਹਸਪਤਾਲ ਦੇ ਮਿਸ਼ਨ ਨਾਲ ਮੇਲ ਖਾਂਦਾ ਹੈ ਜੋ ਖੇਤਰ ਵਿਚ ਗੁਣਵੱਤਾ ਪੂਰਨ ਸਿਹਤ ਸੇਵਾਵਾਂ ਵਧਾਉਣ 'ਤੇ ਧਿਆਨ ਕੇਂਦਰਿਤ ਹੈ | ਪੈੱ੍ਰਸ ਕਾਨਫ਼ਰੰਸ ਦੌਰਾਨ ਸੀਨੀਅਰ ਡਾਕਟਰਾਂ ਨੇ ਨਿਵਾਰਕ ਸਿਹਤ ਦੇਖਭਾਲ ਅਤੇ ਆਧੁਨਿਕ ਚਿਕਿਤਸਾ ਇਲਾਜ ਵਿਚ ਤਰੱਕੀ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ | ਮੁੱਖ ਹਾਜ਼ਰੀ ਡਾਕਟਰਾਂ ਵਿਚ ਡਾ. ਹਕੀਮ ਇਰਫਾਨ ਸ਼ੌਕਤ ਸੀਨੀਅਰ ਸਲਾਹਕਾਰ ਅਤੇ ਡਾਇਰੈਕਟਰ, ਕੈਥ ਲੈਬ, ਡਾ. ਚੇਤਨ ਕੁਮਾਰ ਐਨ.ਜੀ ਸੀਨੀਅਰ ਸਲਾਹਕਾਰ, ਪਲਮੋਨੋਲੋਜੀ ਅਤੇ ਕਰਿਟੀਕਲ ਕੇਅਰ, ਡਾ. ਆਰਿਫ਼ ਹੁਸੈਨ ਸਰਮਸਤ ਸੀਨੀਅਰ ਸਲਾਹਕਾਰ, ਨਿਊਰੋ ਅਤੇ ਸਪਾਈਨ, ਡਾ. ਕੰਵਲਜੀਤ ਸਿੰਘ ਕੰਸਲਟੈਂਟ, ਜਨਰਲ ਸਰਜਰੀ ਅਤੇ ਡਾ. ਮੇਜਰ ਡੇਵਿਡ ਅÏਗਸਟਿਨ ਸੀਨੀਅਰ ਸਲਾਹਕਾਰ, ਬਾਲ ਰੋਗ ਅਤੇ ਨਿਓਨੇਟੋਲੋਜੀ ਸਨ | ਹਸਪਤਾਲ ਦੀ ਡਾਇਰੈਕਟਰ ਡਾ. ਅਮਨਦੀਪ ਕੌਰ ਨੇ ਕਿਹਾ ਕਿ ਇਸ ਸਾਂਝੇਦਾਰੀ ਨਾਲ ਆਧੁਨਿਕ ਤਕਨਾਲੋਜੀ ਅਤੇ ਵਿਸ਼ੇਸ਼ਜਤਾ ਦਾ ਲਾਭ ਮਿਲ ਰਿਹਾ ਹੈ | ਜਿਸ ਨਾਲ ਮਰੀਜ਼ਾਂ ਨੂੰ ਸਭ ਤੋਂ ਵਧੀਆ ਦੇਖਭਾਲ ਮਿਲਦੀ ਹੈ | ਫੈਸਿਲਿਟੀ ਡਾਇਰੈਕਟਰ ਡਾ. ਅਭਿਸ਼ੇਕ ਅਰੋੜਾ ਨੇ ਕਿਹਾ ਕਿ ਹਸਪਤਾਲ ਸਥਾਨਕ ਸਿਹਤ ਭਲਾਈ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾ ਰਿਹਾ ਹੈ ਅਤੇ ਇਹ ਸਹੂਲਤ ਫ਼ਿਰੋਜ਼ਪੁਰ ਵਾਸੀਆਂ ਲਈ ਬਿਹਤਰ ਚਿਕਿਤਸਾ ਢਾਂਚਾ ਮੁਹੱਈਆ ਕਰਨ ਲਈ ਸਮਰਪਿਤ ਹੈ | ਅਮਨਦੀਪ ਹਸਪਤਾਲ ਕਾਰਡੀਓਲੋਜੀ, ਪਲਮੋਨੋਲੋਜੀ, ਨਿਊਰੋਲੋਜੀ, ਜਨਰਲ ਸਰਜਰੀ ਅਤੇ ਬਾਲ ਰੋਗ ਸਮੇਤ ਕਈ ਵਿਸ਼ੇਸ਼ ਸੇਵਾਵਾਂ ਪ੍ਰਦਾਨ ਕਰਦਾ ਹੈ | ਜਿਸ ਨਾਲ ਖੇਤਰ ਵਿਚ ਗੁਣਵੱਤਾਪੂਰਨ ਸਿਹਤ ਦੇਖਭਾਲ ਹੋਰ ਵੀ ਸੌਖੀ ਹੋ ਗਈ ਹੈ | ਅਮਨਦੀਪ ਗਰੁੱਪ 750 ਤੋਂ ਵੱਧ ਬੈੱਡ ਅਤੇ 6 ਰਣਨੀਤਿਕ ਸਥਾਨਾਂ 'ਤੇ 170 ਤੋਂ ਵੱਧ ਵਿਸ਼ੇਸ਼ ਡਾਕਟਰਾਂ ਦੀ ਟੀਮ ਨਾਲ ਕੰਮ ਕਰਦਾ ਹੈ | ਹੁਣ ਤੱਕ 25 ਲੱਖ ਤੋਂ ਵੱਧ ਮਰੀਜ਼ਾਂ ਦਾ ਸਫਲ ਇਲਾਜ ਕਰ ਚੁੱਕਾ ਇਹ ਗਰੁੱਪ ਖੇਤਰ ਵਿਚ ਸੌਖੀ ਅਤੇ ਕਿਫ਼ਾਇਤੀ ਸਿਹਤ ਸੇਵਾਵਾਂ ਦਾ ਮਿਆਰ ਵਧਾਉਣ ਵਿਚ ਅੱਗੇ ਰਹਿਣ ਵਾਲਾ ਹੈ |
