ਮਮਦੋਟ, 20 ਮਈ (ਸੁਖਦੇਵ ਸਿੰਘ ਸੰਗਮ)-ਮਮਦੋਟ ਅਧੀਨ ਪਿੰਡ ਨਸੀਰਾ ਖਲਚੀਆਂ ਦੀ ਕੋਆਪ੍ਰੇਟਿਵ ਸੁਸਾਇਟੀ ਤੋਂ ਖਾਦ ਲੈਣ ਗਏ ਕਿਸਾਨ ਦੀ ਮਜ਼ਦੂਰਾਂ ਵਲੋਂ ਕੁੱਟਮਾਰ ਕਰਨ ਦੇ ਦੋਸ਼ ਹੇਠ ਮਮਦੋਟ ਪੁਲਿਸ ਵਲੋਂ ਦੋ ਜਣਿਆਂ ਨੂੰ ਨਾਮਜ਼ਦ ਕਰਦਿਆਂ ਇਕ ਹੋਰ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ਼ ਕੀਤਾ ਗਿਆ ਹੈ | ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਮੁਦਕੀ ਰਾਮ ਸਿੰਘ ਪੁੱਤਰ ਪ੍ਰਤਾਪ ਸਿੰਘ ਵਾਸੀ ਪਿੰਡ ਮੋਹਰੇ ਵਾਲਾ ਨੇ ਦੱਸਿਆ ਕਿ ਉਹ 18 ਮਈ2026 ਨੂੰ ਆਪਣੀ ਫ਼ਸਲ ਲਈ ਪਿੰਡ ਨਸੀਰਾਂ ਖਲਚੀਆਂ ਵਿਖੇ ਕੋਆਪਰੇਟਿਵ ਸੁਸਾਇਟੀ ਤੋਂ ਖਾਦ ਲੈਣ ਟਰੈਕਟਰ, ਟਰਾਲੀ 'ਤੇ ਆਪਣੀ ਲੇਬਰ ਸਮੇਤ ਗਿਆ ਸੀ | ਇਸ ਦੌਰਾਨ ਸੁਸਾਇਟੀ ਵਿਖੇ ਰੋਹਿਤ ਪੁੱਤਰ ਰਾਜੂ ਵਾਸੀ ਮੋਹਰੇ ਵਾਲਾ ਮੌਜੂਦ ਸੀ, ਜਿਸ ਨੇ ਖਾਦ ਲੈਣ ਲਈ ਹੋਰ ਲੇਬਰ ਲਿਆਉਣ ਦੀ ਰੰਜਸ਼ ਰੱਖਦੇ ਹੋਏ ਵਰਿੰਦਰ ਉਰਫ਼ ਲੱਲੀ ਪੁੱਤਰ ਸੋਨੂੰ ਵਾਸੀ ਮੋਹਰੋਂ ਵਾਲਾ ਸਮੇਤ ਇਕ ਅਣਪਛਾਤਾ ਵਿਅਕਤੀ ਰਲ ਕੇ ਉਸ ਦੀ ਕੁੱਟਮਾਰ ਕੀਤੀ 'ਤੇ ਸੱਟਾਂ ਮਾਰੀਆਂ | ਮੁੱਦਈ ਦੇ ਬਿਆਨਾ ਦੇ ਆਧਾਰ 'ਤੇ ਪੁਲਿਸ ਵਲੋਂ ਉਕਤ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ਼ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ |
