ਭੀਖੀ, 5 ਜਨਵਰੀ (ਸਹੋਤਾ)- ਬੀਤੀ ਰਾਤ ਨੇੜਲੇ ਪਿੰਡ ਮੋਹਰ ਸਿੰਘ ਵਾਲਾ 'ਚ ਅਣਪਛਾਤੇ 2 ਟਿਊਬਵੈੱਲਾਂ ਦੀਆਂ ਤਾਰਾਂ ਚੋਰੀ ਕਰਨ ਦੇ ਨਾਲ ਸੰਦ ਵੀ ਚੋਰੀ ਕਰ ਕੇ ਲੈ ਗਏ | ਕਿਸਾਨ ਜੰਟਾ ਸਿੰਘ ਨੇ ਦੱਸਿਆ ਕਿ ਉਹ ਘਰੇਲੂ ਜ਼ਮੀਨ ਦੇ ਨਾਲ ਹੀ ਠੇਕੇ 'ਤੇ ਪੈਲੀ ਲੈ ਕੇ ਵਾਹੀ ਕਰਦਾ ਹੈ | ਉਸ ਨੇ ਦੱਸਿਆ ਕਿ ਮੇਰੇ ਭਰਾ ਭੋਲਾ ਸਿੰਘ ਦੀ ਮੋਟਰ ਦੀ 60 ਮੀਟਰ ਕੇਬਲ ਤਾਰ ਅਤੇ ਨਾਜਰ ਸਿੰਘ ਧਾਲੀਵਾਲ ਦੀ ਮੋਟਰ ਦੀ 50 ਮੀਟਰ ਤਾਰ ਚੋਰੀ ਹੋ ਗਈ ਹੈ | ਇਸ ਦੇ ਨਾਲ ਹੀ ਚੋਰ ਦਾਤੀ ਪੱਖਾ, ਤੰਗਲ਼ੀ, ਕਹੀ ਆਦਿ ਵੀ ਚੁੱਕ ਕੇ ਲੈ ਗਏ | ਉਨ੍ਹਾਂ ਖ਼ਦਸ਼ਾ ਪ੍ਰਗਟ ਕੀਤਾ ਕਿ ਅਜਿਹੀਆਂ ਚੋਰੀਆਂ ਨਸ਼ੇੜੀਆਂ ਵਲੋਂ ਕੀਤੀਆਂ ਜਾ ਰਹੀਆਂ ਹਨ | ਕਿਸਾਨ ਵਲੋਂ ਇਸ ਸਬੰਧੀ ਥਾਣਾ ਭੀਖੀ ਵਿਖੇ ਰਿਪੋਰਟ ਦਿੱਤੀ ਗਈ ਹੈ |