ਬਠਿੰਡਾ, 25 ਫਰਵਰੀ (ਸੱਤਪਾਲ ਸਿੰਘ ਸਿਵੀਆਂ)- ਸਥਾਨਕ ਦਾਣਾ ਮੰਡੀ ਵਿਖੇ ਸਥਿਤ ਇਕ ਕਰਿਆਨੇ ਤੇ ਹਾਰਡਵੇਅਰ ਦੀ ਦੁਕਾਨ ਦੇ ਗੱਲੇ 'ਚੋਂ ਇਕ ਗਰੋਹ ਵਲੋਂ ਹਜ਼ਾਰਾਂ ਰੁਪਏ ਉਡਾਏ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਸਬੰਧੀ ਦੁਕਾਨ ਅੰਦਰ ਲੱਗੇ ਸੀ.ਸੀ.ਟੀ.ਵੀ. ਕੈਮਰੇ ਵਿਚ ਕੈਦ ਹੋਈ ਸਾਰੀ ਘਟਨਾ ਨੂੰ ਸਮਾਜਸੇਵੀ ਸੰਸਥਾਂ ਨੌਜਵਾਨ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਸੋਨੂੰ ਮਹੇਸ਼ਵਰੀ ਨੇ ਜਨਤਕ ਕੀਤਾ ਹੈ |ਜਨਤਕ ਕੀਤੀ ਵੀਡੀਓ 'ਚ ਇਕ ਨੌਜਵਾਨ ਦੁਕਾਨ ਦੇ ਕਾਊਾਟਰ 'ਤੇ ਖੜ ਕੇ ਬਜ਼ੁਰਗ ਦੁਕਾਨਦਾਰ ਨੂੰ ਕੁਝ ਸਮਾਨ ਵਗੈਰਾ ਖਰੀਦਣ ਲਈ ਉਲਝਾਉਂਦਾ ਹੈ ਤੇ ਇਸ ਦੌਰਾਨ ਫੁਰਤੀ ਨਾਲ ਗੱਲੇ 'ਚੋਂ ਨਕਦੀ ਚੁਕਦਾ ਹੋਇਆ ਦਿਖਾਈ ਦੇ ਰਿਹਾ | ਉਸ ਨਾਲ ਇਕ ਹੋਰ ਨੌਜਵਾਨ ਤੇ ਇਕ ਔਰਤ ਵੀ ਦਿਖਾਈ ਦੇ ਰਹੇ ਹਨ | ਮਹੇਸ਼ਵਰੀ ਨੇ ਦੱਸਿਆ ਕਿ ਦੁਕਾਨਦਾਰ ਅਨੁਸਾਰ ਗੱਲੇ 'ਚੋਂ ਉਡਾਈ ਨਗਦੀ 32 ਹਜ਼ਾਰ ਰੁਪਏ ਸਨ | ਪੀੜਤ ਦੁਕਾਨਦਾਰ ਨੇ ਬਠਿੰਡਾ ਪੁਲਿਸ ਤੋਂ ਮੰਗ ਕੀਤੀ ਹੈ ਕਿ ਦੋਸ਼ੀਆਂ ਦੀ ਭਾਲ ਕਰਦਿਆਂ ਉਨ੍ਹਾਂ ਨੂੰ ਤੁਰੰਤ ਗਿ੍ਫਤਾਰ ਕੀਤਾ ਜਾਵੇ |
