ਸਰਦੂਲਗੜ੍ਹ, 28 ਮਾਰਚ (ਅਰੋੜਾ)-ਸਥਾਨਕ ਸ਼ਹਿਰ ਤੋਂ ਰਤੀਆ ਰੋਡ ਨੂੰ ਮਿਲਾਉਣ ਵਾਲੀ ਸਵ. ਕੈਪਟਨ ਸੁਰਜੀਤ ਸਿੰਘ ਮਾਰਗ ਸੜਕ ਟੁੱਟਣ ਕਾਰਨ ਲੋਕਾਂ ਨੂੰ ਵੱਡੀਆਂ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਦੱਸਣਯੋਗ ਹੈ ਕਿ ਇਸ ਸੜਕ ਦੇ ਟੁੱਟਣ ਕਾਰਨ ਮੇਨ ਹਾਈਵੇ 'ਤੇ ਟਰੈਫ਼ਿਕ ਵੱਧ ਜਾਂਦੀ ਹੈ, ਜਿਸ ਕਾਰਨ ਹਰ ਵਹੀਕਲ ਨੂੰ ਆਉਣ-ਜਾਣ ਨੂੰ ਦਿੱਕਤ ਪੇਸ਼ ਆਉਂਦੀ ਹੈ ਜਦੋਂ ਕਿ ਰਤੀਆ ਰੋਡ 'ਤੇ ਜਾਣ ਵਾਲੇ ਵਾਹਨ ਚਾਲਕ ਦੋ ਕਿੱਲੋਮੀਟਰ ਦਾ ਸਫ਼ਰ ਘੱਟ ਤੈਅ ਕਰਨ ਕਾਰਨ ਪਹਿਲ ਇਸ ਸੜਕ ਤੋਂ ਜਾਣ ਨੂੰ ਦਿੰਦੇ ਹਨ | ਇਸ ਸਬੰਧੀ ਕਾ. ਬੰਸੀ ਲਾਲ ਨੇ ਡਿਪਟੀ ਕਮਿਸ਼ਨਰ ਮਾਨਸਾ ਤੋਂ ਮੰਗ ਕੀਤੀ ਹੈ ਕਿ ਇਸ ਸੜਕ ਨੂੰ ਪਹਿਲ ਦੇ ਅਧਾਰ 'ਤੇ ਬਣਾਇਆ ਜਾਵੇ ਤਾਂ ਜੋ ਆਉਣ-ਜਾਣ ਵਾਲੇ ਲੋਕਾਂ ਨੂੰ ਕੋਈ ਪੇ੍ਰਸ਼ਾਨੀ ਨਾ ਆਵੇ |
