ਗੋਨਿਆਣਾ, 3 ਅਪ੍ਰੈਲ (ਲਛਮਣ ਦਾਸ ਗਰਗ)-ਅੱਜ ਪ੍ਰਾਚੀਨ ਸ੍ਰੀ ਦੁਰਗਾ ਮੰਦਰ ਵਿਖੇ ਪੰਜ ਮੈਂਬਰੀ ਕਮੇਟੀ ਦੀ ਅਗਵਾਈ ਵਿਚ ਇੱਕ ਸੰਖੇਪ ਜਿਹੀ ਮੀਟਿੰਗ ਰੱਖੀ ਗਈ | ਜਿਸ ਵਿਚ ਹਲਕਾ ਵਿਧਾਇਕ ਮਾਸਟਰ ਜਗਸੀਰ ਸਿੰਘ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ | ਮੀਟਿੰਗ ਵਿਚ ਪਹੁੰਚੇ ਹੋਏ ਸਮੂਹ ਮੈਂਬਰ ਸਾਹਿਬਾਨਾਂ ਅਤੇ ਅਹੁਦੇਦਾਰ ਸਾਹਿਬਾਨਾਂ ਦੀ ਰਜ਼ਾਮੰਦੀ ਤਹਿਤ ਅਤੇ ਉਸ ਦੇ ਇੱਕ ਸਾਲ ਦੇ ਕੰਮਾਂ ਨੂੰ ਦੇਖਦੇ ਹੋਏ ਰਮੇਸ਼ ਕੁਮਾਰ ਮੱਟੂ ਨੂੰ ਦੁਬਾਰਾ ਤੋਂ ਤਿੰਨ ਸਾਲਾਂ ਲਈ ਦੁਰਗਾ ਮੰਦਿਰ ਕਮੇਟੀ ਦਾ ਪ੍ਰਧਾਨ ਚੁਣਿਆ ਗਿਆ | ਨਵ ਨਿਯੁਕਤ ਪ੍ਰਧਾਨ ਰਮੇਸ਼ ਕੁਮਾਰ ਮੱਟੂ ਨੂੰ ਸ੍ਰੀ ਦੁਰਗਾ ਮੰਦਿਰ ਦੇ ਪੁਜਾਰੀ ਘਣਸ਼ਿਆਮ ਦਾਸ ਤਿ੍ਪਾਠੀ ਦੁਆਰਾ ਮਾਤਾ ਜੀ ਦੀ ਚੁੰਨੀ ਪਹਿਨਾ ਕੇ ਪ੍ਰਧਾਨ ਚੁਣਿਆ ਗਿਆ ਅਤੇ ਉਸ ਤੋਂ ਬਾਅਦ ਹਲਕਾ ਵਿਧਾਇਕ ਮਾਸਟਰ ਜਗਸੀਰ ਸਿੰਘ ਦੁਆਰਾ ਚੁੰਨੀ ਪਾ ਕੇ ਰਮੇਸ਼ ਕੁਮਾਰ ਮੱਟੂ ਨੂੰ ਮਾਤਾ ਜੀ ਦਾ ਆਸ਼ੀਰਵਾਦ ਦਿੱਤਾ ਗਿਆ | ਇਸ ਮੌਕੇ ਰਜਨੀਸ਼ ਰਾਜੂ ਹਲਕਾ ਇੰਚਾਰਜ ਆਪ, ਚੇਅਰਮੈਨ ਬਲਕਾਰ ਸਿੰਘ ਭੋਖੜਾ, ਕਸ਼ਮੀਰੀ ਲਾਲ ਪ੍ਰਧਾਨ ਨਗਰ ਕੌਸ਼ਲ, ਸੰਦੀਪ ਕੁਮਾਰ ਦੁੱਗਲ, ਗੁਰਲਾਲ ਸਿੰਘ ਸਰਪੰਚ, ਪ੍ਰਮੋਦ ਕੁਮਾਰ ਕਾਕਾ, ਮੰਗਤ ਰਾਏ ਗਰਗ, ਰਵੀ ਸ਼ਰਮਾ, ਰਜਿੰਦਰ ਕੁਮਾਰ ਬਿੰਦਰ, ਭੂਸ਼ਣ ਗਰਗ ਹਾਜ਼ਰ ਸਨ |
