ਬਠਿੰਡਾ, 3 ਅਪ੍ਰੈਲ (ਪ.ਪ.)-ਸ਼ਹੀਦ ਭਾਈ ਮਨੀ ਸਿੰਘ ਸਿਵਲ ਹਸਪਤਾਲ ਬਠਿੰਡਾ 'ਚ ਡਿਸਟਿ੍ਕਟ ਡਿਸਏਬਿਲਟੀ ਰਿਹੈਬਿਲੀਟੇਸ਼ਨ ਸੈਂਟਰ (ਡੀਡੀਆਰਸੀ) ਵਿਚ ਦਿਵਿਆਂਗਜਨਾਂ ਲਈ ਇਕ ਮਹੱਤਵਪੂਰਨ ਕਦਮ ਚੁੱਕਦਿਆਂ ਫਿਜਿਓਥੈਰੇਪੀ ਅਤੇ ਕਿ੍ਤਿ੍ਮ ਅੰਗ ਦੇਣ ਦੀਆ ਸੇਵਾਵਾਂ ਮੁੜ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ | ਇਸ ਮੌਕੇ ਸੀਨੀਅਰ ਫਿਜ਼ੀਓਥੈਰੇਪਿਸਟ ਡਾ. ਮਨੀਸ਼ ਸੋਨੀ ਨੇ ਦੱਸਿਆ ਕਿ ਇਹ ਸੈਂਟਰ ਰੈੱਡ ਕਰਾਸ ਸੁਸਾਇਟੀ ਬਠਿੰਡਾ ਵਲੋਂ ਡਿਪਟੀ ਕਮਿਸ਼ਨਰ ਬਠਿੰਡਾ ਦੀ ਦੇਖਰੇਖ ਹੇਠ ਸਫਲਤਾਪੂਰਵਕ ਚਲਾਇਆ ਜਾ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਡੀ.ਡੀ.ਆਰ.ਸੀ ਬਠਿੰਡਾ ਪਹਿਲਾ ਹੀ ਦਿਵਿਆਂਗਜਨਾਂ ਨੂੰ ਯੂਡੀਆਈਡੀ ਕਾਰਡ ਬਣਾਉਣ ਅਤੇ ਵਿਸ਼ੇਸ਼ ਸਿੱਖਿਆ ਵਰਗੀਆਂ ਜ਼ਰੂਰੀ ਸੇਵਾਵਾਂ ਪ੍ਰਦਾਨ ਕਰ ਰਿਹਾ ਹੈ | ਹੁਣ ਫਿਜਿਓਥੈਰੇਪੀ ਅਤੇ ਕਿ੍ਤਿ੍ਮ ਅੰਗਾਂ ਦੀਆਂ ਸੇਵਾਵਾਂ ਸ਼ੁਰੂ ਹੋਣ ਨਾਲ ਲਾਭਪਾਤਰੀਆਂ ਨੂੰ ਇਕ ਹੀ ਛੱਤ ਹੇਠ ਸੰਪੂਰਨ ਇਲਾਜ ਅਤੇ ਸਹਾਇਤਾ ਮਿਲੇਗੀ | ਇਹ ਫਿਜਿਓਥੈਰੇਪੀ ਸੇਵਾਵਾਂ ਤਜਰਬੇਕਾਰ ਸੀਨੀਅਰ ਫਿਜਿਓਥੈਰੇਪਿਸਟ ਡਾ. ਮਨੀਸ਼ ਸੋਨੀ ਵਲੋਂ ਪ੍ਰਦਾਨ ਕੀਤੀਆਂ ਜਾਣਗੀਆਂ, ਜਦਕਿ ਕਿ੍ਤਿ੍ਮ ਅੰਗ ਸੇਵਾਵਾਂ ਸੀਨੀਅਰ ਪ੍ਰੋਸਥੈਟਿਸਟ ਐਂਡ ਅÏਰਥੋਟਿਸਟ (ਪੀਐਂਡਓ) ਪਪਰੀ ਘੋਸ਼ ਵਲੋਂ ਦਿੱਤੀਆਂ ਜਾਣਗੀਆਂ | ਸੰਬੰਧਿਤ ਅਧਿਕਾਰੀਆਂ ਨੇ ਦਿਵਿਆਂਗਜਨਾਂ ਅਤੇ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਨ੍ਹਾਂ ਸੇਵਾਵਾਂ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣ ਅਤੇ ਆਪਣੇ ਜੀਵਨ ਨੂੰ ਹੋਰ ਸੁਖਾਲਾ ਬਣਾਉਣ |
