ਸਰਦੂਲਗੜ੍ਹ, 2 ਮਈ (ਜੀ.ਐਮ.ਅਰੋੜਾ)- ਸਥਾਨਕ ਪੀ.ਐਮ. ਸ੍ਰੀ ਸਰਕਾਰੀ ਕੰਨਿਆ ਸੈਕੰਡਰੀ ਸਕੂਲ ਵਿਖੇ ਅਰਜਨ ਅਵਾਰਡੀ ਤੇ ਓਲੰਪੀਅਨ ਆਰਨਰੀ ਕੈਪਟਨ ਸਵਰਨ ਸਿੰਘ ਵਿਰਕ ਦਾ ਲੈਕਚਰ ਕਰਵਾਇਆ ਗਿਆ | ਸੰਬੋਧਨ ਕਰਦਿਆਂ ਵਿਰਕ ਨੇ ਆਪਣੀ ਜ਼ਿੰਦਗੀ ਦੇ ਸੰਘਰਸ਼, ਐਨ.ਡੀ.ਏ ਟੈੱਸਟ ਬਾਰੇ ਅਤੇ ਆਪਣੀ ਰੋਇੰਗ ਗੇਮ (ਕਿਸ਼ਤੀ ਚਾਲਕ) ਦੇ ਸੰਘਰਸ਼ ਸਬੰਧੀ ਬੱਚਿਆਂ ਨੂੰ ਦੱਸਿਆ | ਉਨ੍ਹਾਂ ਸਕੂਲ ਦੇ ਖਿਡਾਰੀਆਂ ਨੂੰ ਵੀ ਜ਼ਿੰਦਗੀ ਵਿਚ ਸਖ਼ਤ ਮਿਹਨਤ ਕਰਨ ਲਈ ਉਤਸ਼ਾਹਿਤ ਕੀਤਾ | ਮੰਚ ਸੰਚਾਲਨ ਗੁਰਤੇਜ ਸਿੰਘ ਨੇ ਕੀਤਾ | ਇੰਚਾਰਜ ਪਿ੍ੰਸੀਪਲ ਰਮਨਦੀਪ ਕੌਰ ਨੇ ਸਭਨਾਂ ਦਾ ਧੰਨਵਾਦ ਕੀਤਾ |
