ਰਾਮਾਂ ਮੰਡੀ, 9 ਜੂਨ (ਗੁਰਪ੍ਰੀਤ ਸਿੰਘ ਅਰੋੜਾ)-ਮੰਦਰ ਭਗਵਾਨ ਬਾਬਾ ਸ੍ਰ ਚੰਦ ਜੀ, ਡੇਰਾ ਬਾਬਾ ਮੋਤੀ ਰਾਮ ਤੇ ਤਿ੍ਵੈਣੀ ਦਾਸ ਜੀ ਦੇ ਮਹੰਤ ਦਰਬਾਰਾ ਦਾਸ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਰਾਮਾਂ ਮੰਡੀ ਦੀ ਸਾਂਝੀ ਸਮਾਜ ਸੇਵੀ ਸੰਸਥਾ ਲੋਕ ਭਲਾਈ ਸੇਵਾ ਸੰਮਤੀ ਦੇ ਸਹਿਯੋਗ ਨਾਲ ਬੱਸ ਸਟੈਂਡ ਤਲਵੰਡੀ ਸਾਬੋ ਰੋਡ, ਰਾਮਾਂ ਵਿਖੇ ਖੂਨਦਾਨ ਕੈਂਪ 13 ਜੂਨ ਦਿਨ ਸਨਿੱਚਰਵਾਰ ਨੂੰ ਲਗਾਇਆ ਜਾ ਰਿਹਾ ਹੈ | ਇਹ ਜਾਣਕਾਰੀ ਲੋਕ ਭਲਾਈ ਸੇਵਾ ਸੰਮਤੀ ਦੇ ਪ੍ਰਧਾਨ ਵਿਸ਼ਾਲ ਲੈਹਰੀ ਨੇ ਦਿੱਤੀ | ਇਸ ਮੌਕੇ ਰਾਮਾਂ ਪਿੰਡ ਦੇ ਮਹੰਤ ਦਰਬਾਰਾ ਦਾਸ ਵਲੋਂ ਖ਼ੂਨਦਾਨੀਆਂ ਨੂੰ ਖੂਨਦਾਨ ਕਰਨ ਲਈ ਕੈਂਪ ਵਿਚ ਪਹੁੰਚਣ ਦੀ ਅਪੀਲ ਕੀਤੀ ਗਈ |
