ਖੰਨਾ ਦੇ ਵੇਰਕਾ ਕੈਟਲ ਫੀਡ ਪਲਾਂਟ ਭੱਟੀਆਂ ਵਿਚ ਜਾਂਚ ਟੀਮ ਨੇ ਕੀਤੀ ਜਾਂਚ, ਘਟੀਆ ਮਾਲ ਤੇ ਘੱਟ ਮਾਲ ਦੀ ਸ਼ਿਕਾਇਤ

ਅ

ਅਜੀਤ ਡੈਸਕ 04-01-2026

ਖੰਨਾ, 3 ਜਨਵਰੀ (ਹਰਜਿੰਦਰ ਸਿੰਘ ਲਾਲ)-ਖੰਨਾ ਦੇ ਵੇਰਕਾ ਕੈਟਲ ਫੀਡ ਪਲਾਂਟ ਭੱਟੀਆਂ ਵਿੱਚ ਅੱਜ ਜਾਂਚ ਟੀਮ ਨੇ ਇਕ ਸ਼ਿਕਾਇਤ ਤੋਂ ਬਾਅਦ ਵੇਰਕਾ ਦੇ ਐਮ. ਡੀ. ਦੇ ਹੁਕਮਾਂ 'ਤੇ ਜਾਂਚ ਸ਼ੁਰੂ ਕੀਤੀ ਗਈ | ਇਨਕੁਆਇਰੀ ਟੀਮ ਵਿੱਚ ਲੁਧਿਆਣਾ ਵੇਰਕਾ ਮਿਲਕ ਪਲਾਂਟ ਦੇ ਜੀ. ਐਮ. ਦਲਜੀਤ ਸਿੰਘ, ਪਟਿਆਲਾ ਵੇਰਕਾ ਪਲਾਂਟ ਦੇ ਜੀ. ਐਮ. ਅਨਿਮੇਸ ਮਨਿਕ ਅਤੇ ਕੁਆਲਿਟੀ ਕੰਟਰੋਲ ਵਿਭਾਗ ਦੇ ਸੀਨੀਅਰ ਅਧਿਕਾਰੀ ਸ਼ਾਮਲ ਹਨ | ਸ਼ਿਕਾਇਤ ਵਿੱਚ ਦੋਸ਼ ਲਗਾਏ ਗਏ ਹਨ ਕਿ ਪਲਾਂਟ ਵਿੱਚ ਆ ਰਹਾ ਕੱਚਾ ਮਾਲ ਨਿਰਧਾਰਤ ਮਿਆਰਾਂ ਤੇ ਪੂਰਾ ਨਹੀਂ ਉੱਤਰਦਾ ਅਤੇ ਰਾਈਸ ਬਰਾਨ ਸਮੇਤ ਕਈ ਆਈਟਮਾਂ ਵਿੱਚ 400 ਤੋਂ 500 ਕੁਇੰਟਲ ਤੱਕ ਦੇ ਫ਼ਰਕ ਦੀ ਗੱਲ ਕਹੀ ਗਈ ਹੈ |
ਇਨਕੁਆਇਰੀ ਟੀਮ ਵੱਲੋਂ ਕੱਚੇ ਮਾਲ ਦੇ ਸੈਂਪਲ ਇਕੱਠੇ ਕਰਕੇ ਹੈੱਡ ਆਫ਼ਿਸ ਅਤੇ ਸਰਕਾਰੀ ਲੈਬੋਰਟਰੀਆਂ ਨੂੰ ਟੈਸਟ ਲਈ ਭੇਜੇ ਗਏ ਹਨ | ਜੀ. ਐਮ ਦਲਜੀਤ ਸਿੰਘ ਨੇ ਕਿਹਾ ਕਿ ਜਾਂਚ ਨਿਰਪੱਖ ਹੋਵੇਗੀ ਅਤੇ ਰਿਪੋਰਟ ਤਿਆਰ ਹੋਣ ਮਗਰੋਂ ਐਮ. ਡੀ. ਅਤੇ ਚੇਅਰਮੈਨ ਨੂੰ ਸੌਂਪੀ ਜਾਵੇਗੀ | ਦੂਜੇ ਪਾਸੇ ਸ਼ਿਕਾਇਤਕਰਤਾ ਰਜੇਸ਼ ਖੰਨਾ ਨੇ ਟੈਂਡਰ ਅਲੋਕੇਸ਼ਨ ਵਿੱਚ ਪੱਖਪਾਤ, ਕੁਆਲਿਟੀ ਨਾਲ ਸਮਝੌਤਾ ਅਤੇ ਅੰਡਰ-ਟੇਬਲ ਲੈਣ-ਦੇਣ ਦੇ ਗੰਭੀਰ ਦੋਸ਼ ਲਗਾਏ ਹਨ | ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਕਾਰਨ ਪਲਾਂਟ ਦੀ ਉਤਪਾਦਨ ਸਮਰੱਥਾ 7000 ਟਨ ਤੋਂ ਘਟ ਕੇ ਲਗਭਗ 3500 ਟਨ ਪ੍ਰਤੀ ਮਹੀਨਾ ਰਹਿ ਗਈ ਹੈ |