ਮਾਛੀਵਾੜਾ ਸਾਹਿਬ, 4 ਫਰਵਰੀ (ਮਨੋਜ ਕੁਮਾਰ)-ਨਜ਼ਦੀਕੀ ਪਿੰਡ ਬੈਰਸਾਲ ਕੋਲ ਦੁੱਧ ਨਾਲ ਭਰਿਆ ਟੈਂਕਰ ਉਸ ਸਮੇਂ ਖੇਤਾਂ ਵਿਚ ਪਲਟ ਗਿਆ, ਜਦੋਂ ਉਹ ਰੋਜ਼ਾਨਾ ਦੀ ਤਰ੍ਹਾਂ ਦੁੱਧ ਲੈ ਕੇ ਖਮਾਣੋਂ ਵੱਲ ਜਾ ਰਿਹਾ ਸੀ | ਹਾਲਾਂਕਿ ਇਸ ਹਾਦਸੇ ਦੀ ਖ਼ੁਸ਼ਕਿਸਮਤੀ ਇਹ ਰਹੀ ਕਿ ਡਰਾਈਵਰ ਪੂਰੀ ਤਰ੍ਹਾਂ ਸੁਰੱਖਿਅਤ ਹਾਲਤ ਵਿਚ ਟੈਂਕਰ ਦੇ ਕੈਬਿਨ ਵਿਚੋਂ ਬਾਹਰ ਨਿਕਲ ਆਇਆ | ਅਸਲ ਵਿਚ ਹਾਦਸੇ ਦਾ ਮੁੱਖ ਕਾਰਨ ਦਾ ਤਾਂ ਪਤਾ ਨਹੀਂ ਲੱਗਿਆ | ਪਰ ਮੌਕੇ 'ਤੇ ਮਿਲੀ ਜਾਣਕਾਰੀ ਅਨੁਸਾਰ ਕੁੱਝ ਲੋਕਾਂ ਦੀ ਗੱਲਬਾਤ ਇਹੀ ਸੁਣਾਈ ਦਿੱਤੀ ਕਿ ਟੈਂਕਰ ਦੀ ਰਫ਼ਤਾਰ ਤੇਜ਼ ਸੀ ਤੇ ਸਾਹਮਣੇ ਤੋਂ ਆ ਰਹੇ ਕਿਸੇ ਵਾਹਨ ਤੋਂ ਬਚਾਅ ਕਾਰਨ ਇਹ ਹਾਦਸਾ ਵਾਪਰਿਆ |