ਖੰਨਾ ਪੁਲਿਸ ਨੇ ਗੈਗਸਟਰਾਂ 'ਤੇ ਵਾਰ ਮੁਹਿੰਮ ਅਧੀਨ 3 ਵੱਖ ਵੱਖ ਵਾਰਦਾਤਾਂ ਵਿਚ ਲੋੜੀਂਦੇ 2 ਸ਼ਾਰਪ ਸ਼ੂਟਰ ਭਰਾਵਾਂ ਨੂੰ ਕੀਤਾ ਕਾਬੂ
ਅਜੀਤ ਡੈਸਕ
05-02-2026
ਐਸ. ਐਸ. ਪੀ. ਨੇ ਕਿਹਾ ਕਿ ਆਮ ਤੋਰ ਤੇ ਪੁਲਿਸ ਲਈ ਸ਼ੂਟਰਾਂ ਨੂੰ ਕਾਬੂ ਕਰਨਾ ਮੁਸ਼ਕਿਲ ਹੁੰਦਾ ਹੈ ਕਿਉਂਕਿ ਇਹ ਆਧੁਨਿਕ ਤਕਨੀਕ ਦੇ ਕਮਿਊਨੀਕੇਸ਼ਨ ਚੈਨਲਾਂ, ਐਪਾਂ ਅਤੇ ਹੋਰ ਤਕਨੀਕਾਂ ਦੀ ਵਰਤੋਂ ਕਰਦੇ ਹਨ ਅਤੇ ਇਹਨਾਂ ਦਾ ਕੋਈ ਪੁਰਾਣਾ ਅਪਰਾਧਿਕ ਰਿਕਾਰਡ ਵੀ ਮੌਜੂਦ ਨਹੀ ਹੁੰਦਾ | ਇਸ ਕਾਰਨ ਉਨ੍ਹਾਂ ਦੀ ਪਛਾਣ ਕਰਨਾ ਅਤੇ ਇਨ੍ਹਾਂ ਤੱਕ ਪਹੁੰਚਣਾ ਬਹੁਤ ਜ਼ਿਆਦਾ ਚੁਣੌਤੀਪੂਰਨ ਸਵਾਲ ਬਣ ਜਾਂਦਾ ਹੈ |
ਇਸ ਮਾਮਲੇ ਦੀ ਜਾਂਚ ਸੀ. ਸੀ. ਟੀ. ਵੀ ਫੁਟੇਜ ਰਾਹੀਂ ਕਰਦੇ ਹੋਏ ਖੰਨਾ ਪੁਲਿਸ ਫ਼ਿਰੋਜਪੁਰ ਪਹੁੰਚੀ ਜਿੱਥੇ 2 ਦਿਨ ਲਗਾਤਾਰ ਚਲਾਏ ਅਪਰੇਸ਼ਨ ਤੋਂ ਬਾਅਦ ਦੋਸ਼ੀ ਵਿਸ਼ਾਲ ਨੂੰ ਗਿ੍ਫ਼ਤਾਰ ਕੀਤਾ ਗਿਆ | ਉਸ ਪਾਸੋਂ ਪੁੱਛ-ਗਿੱਛ ਇਹ ਗੱਲ ਸਾਹਮਣੇ ਆਈ ਹੈ ਕਿ ਉਕਤ ਦੋਸ਼ੀ 6 ਸਾਲ ਪਹਿਲਾਂ ਮਲੇਸ਼ੀਆ ਵਿਖੇ ਰਹਿੰਦਾ ਸੀ ਅਤੇ ਮਾਰਚ-2025 ਵਿਚ ਭਾਰਤ ਵਾਪਸ ਆਇਆ ਸੀ ਉਹ ਸਿਰਫ਼ 11,000/-ਰੁਪਏ ਤਨਖ਼ਾਹ ਤੇ ਕੰਮ ਕਰਦਾ ਸੀ | ਦੋਸ਼ੀ ਨੇ ਦੱਸਿਆ ਕਿ ਮੈਂ ਅਤੇ ਮੇਰਾ ਸਾਥੀ ਸਪਲੈਂਡਰ ਮੋਟਰਸਾਈਕਲ ਤੇ ਜਾਅਲੀ ਨੰਬਰ ਲਗਾ ਕੇ ਫ਼ਿਰੋਜਪੁਰ ਤੋਂ ਮੋਹਾਲੀ ਵਿਖੇ ਹੀਰੋ ਹੋਮਜ਼ ਸੈਕਟਰ-85 ਮੋਹਾਲੀ ਇੱਕ ਫਲੈਟ ਤੇ ਪੁੱਜੇ ਸਨ, ਜਿੱਥੇ ਬਰਗਰ ਕਿੰਗ ਦੇ ਬਾਹਰ ਹੋਰ ਸ਼ੂਟਰਾਂ ਨੂੰ ਮਿਲੇ ਸਨ, ਉਹ ਸ਼ੂਟਰ ਵੀ ਸਪਲੈਂਡਰ ਮੋਟਰਸਾਈਕਲ ਤੇ ਹੀ ਸਵਾਰ ਸਨ ਉੱਥੋਂ ਅਸੀਂ ਮੋਟਰਸਾਈਕਲਾਂ ਤੇ ਹੀ ਖੰਨਾ ਵਿਖੇ ਪੁੱਜੇ ਅਤੇ ਆਸ਼ੂ ਵਿਜਨ ਦੇ ਘਰ ਦੇ ਉੱਪਰ ਫਾਇਰਿੰਗ ਕੀਤੀ ਅਤੇ ਉਸ ਦੀ ਕਾਰ ਨੂੰ ਵੀ ਅੱਗ ਲਗਾ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੋਵਾਂ ਭਰਾਵਾਂ ਨੇ ਇਹ ਕੰਮ 10-10 ਹਜਾਰ ਰੁਪਏ (ਕੁੱਲ 20 ਹਜਾਰ ਰੁਪਏ) ਵਿਚ ਕੀਤਾ ਸੀ | ਖੰਨਾ ਪੁਲਿਸ ਦੋਸ਼ੀਆਂ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ 2 ਦਿਨ ਦਾ ਪੁਲਿਸ ਰਿਮਾਂਡ ਲੈ ਚੁੱਕੀ ਹੈ | ਦੋਸ਼ੀ ਪਾਸੋ ਡੂੰਘਾਈ ਨਾਲ ਪੁੱਛ ਗਿੱਛ ਜਾਰੀ ਹੈ, ਹੋਰ ਅਹਿਮ ਖ਼ੁਲਾਸੇ ਹੋਣ ਦੀ ਉਮੀਦ ਹੈ |