ਮਾਛੀਵਾੜਾ ਸਾਹਿਬ, 15 ਅਪ੍ਰੈਲ (ਰਾਜਦੀਪ ਸਿੰਘ ਅਲਬੇਲਾ)-ਮਾਛੀਵਾੜਾ ਦੇ ਵਿਸ਼ਵਕਰਮਾ ਮੰਦਿਰ 'ਚ ਬਾਵਾ ਸ਼ਾਂਤੀ ਨਾਥ ਦੀ 40ਵੀਂ ਬਰਸੀ ਸ਼ਰਧਾਲੂਆਂ ਵਲੋਂ ਸ਼ਰਧਾ ਭਾਵਨਾ ਨਾਲ ਮਨਾਈ ਗਈ | ਸਵੇਰੇ ਮੰਦਿਰ ਵਿਚ ਸ਼ਰਧਾਲੂਆਂ ਵਲੋਂ ਬਾਵਾ ਦੀ ਪਵਿੱਤਰ ਮੂਰਤੀ ਦਾ ਇਸ਼ਨਾਨ ਕਰਵਾਇਆ ਗਿਆ ਅਤੇ ਫਿਰ ਹਵਨ ਯੱਗ ਦੌਰਾਨ ਅਹੂਤੀ ਪਾਈ ਗਈ | ਸ਼ਰਧਾਲੂਆਂ ਵਲੋਂ ਬਾਵਾ ਸ਼ਾਂਤੀ ਨਾਥ ਦੀ ਮੂਰਤੀ ਦੀ ਪੂਜਾ ਅਰਚਨਾ ਕੀਤੀ ਗਈ ਅਤੇ ਉਨਾਂ ਦੇ ਚਰਨਾਂ ਵਿਚ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ | ਸ਼ਰਧਾਲੂ ਅÏਰਤਾਂ ਵਲੋਂ ਭਜਨ ਕੀਰਤਨ ਕੀਤਾ ਗਿਆ | ਇਸ ਮੌਕੇ ਪ੍ਰਧਾਨ ਗੁਰਚਰਨ ਸਿੰਘ ਜਾਂਗੜਾ, ਹਰਪ੍ਰੀਤ ਸਿੰਘ, ਪੰਡਿਤ ਦੁਆਰਕਾ ਪ੍ਰਸ਼ਾਦ, ਮਹਿੰਦਰ ਕੁਮਾਰ ਗੁਲਾਟੀ, ਰਜਿੰਦਰ ਸਚਦੇਵਾ, ਮਹੇਸ਼ ਕੁਮਾਰ ਗੁਲਾਟੀ, ਵੀਰ ਦੱਤ, ਸ਼ਾਮ ਸੁੰਦਰ, ਰਾਜੀਵ ਕੁਮਾਰ, ਮਾਗੀ ਰਾਮ ਸਚਦੇਵਾ, ਅੰਗਦ ਸਚਦੇਵਾ, ਅਮਨ ਸਚਦੇਵਾ, ਸੰਜੀਵ ਨਾਗਪਾਲ, ਧਰਮਪਾਲ ਗੰਢਾ, ਰਾਜਨ ਗੁਲਾਟੀ, ਲਾਲਾ ਲੀਹਲ ਵੀ ਮੌਜੂਦ ਸਨ | ਆਈ ਸੰਗਤ ਲਈ ਅਤੁੱਟ ਲੰਗਰ ਵੀ ਵਰਤਾਇਆ ਗਿਆ |
