ਕੁਹਾੜਾ, 16 ਅਪ੍ਰੈਲ (ਸੰਦੀਪ ਸਿੰਘ ਕੁਹਾੜਾ)-ਵਿਧਾਨ ਸਭਾ ਹਲਕਾ ਸਾਹਨੇਵਾਲ ਦੇ ਅਧੀਨ ਪੈਂਦੇ ਪਿੰਡ ਲਾਟੋ ਜੋਗਾ ਦੇ ਵਸਨੀਕ ਜਸਵੀਰ ਕੌਰ ਪਤਨੀ ਸ਼ਮਿੰਦਰ ਸਿੰਘ ਪੰਜਾਬ ਸਟੇਟ ਡੀਅਰ ਮਹੀਨਾਵਾਰ ਲਾਟਰੀ ਦੇ ਵਿਜੇਤਾ ਬਣੇ | ਜਿਨਾਂ ਨੂੰ ਪੰਜਾਬ ਸਟੇਟ ਮਹੀਨਾਵਾਰ ਲਾਟਰੀ ਦਾ 25 ਲੱਖ ਰੁਪਏ ਦਾ ਪਹਿਲਾ ਇਨਾਮ ਨਿਕਲਿਆ | ਲਾਟਰੀ ਵਿਜੇਤਾ ਜਸਵੀਰ ਕੌਰ ਨੇ ਆਪਣੀ ਖ਼ੁਸ਼ੀ ਜ਼ਾਹਿਰ ਕਰਦੇ ਹੋਏ ਦੱਸਿਆ ਕਿ ਉਨਾਂ ਵਲੋਂ ਕੁਹਾੜਾ ਦੇ ਗੁਪਤਾ ਲਾਟਰੀ ਸਟਾਲ ਤੋਂ ਪੰਜਾਬ ਸਟੇਟ ਡੀਅਰ 100 ਮਹੀਨਾਵਾਰ ਲਾਟਰੀ ਦੀ ਟਿਕਟ ਖਰੀਦੀ ਗਈ ਸੀ, ਜਿਸ ਦਾ ਉਨਾਂ ਨੂੰ 25 ਲੱਖ ਰੁਪਏ ਪਹਿਲਾ ਇਨਾਮ ਨਿਕਲਿਆ | ਜਾਣਕਾਰੀ ਅਨੁਸਾਰ ਲਾਟਰੀ ਵਿਜੇਤਾ ਜਸਵੀਰ ਕੌਰ ਦਾ ਪਤੀ ਸ਼ਮਿੰਦਰ ਸਿੰਘ ਇੱਕ ਮਹੀਨਾ ਪਹਿਲਾਂ ਹੰਗਰੀ ਤੋਂ ਵਾਪਸ ਪਰਤੇ ਹਨ | ਇਸ ਮੌਕੇ ਲਾਟਰੀ ਸਟਾਲ 'ਤੇ ਪੁੱਜੇ ਵਿਜੇਤਾ ਜਸਵੀਰ ਕੌਰ ਤੇ ਪਤੀ ਸ਼ਮਿੰਦਰ ਸਿੰਘ ਨੂੰ ਸਨਮਾਨਿਤ ਕੀਤਾ ਗਿਆ |
