ਅਹਿਮਦਗੜ੍ਹ, 22 ਅਪ੍ਰੈਲ (ਰਵਿੰਦਰ ਪੁਰੀ)-ਸਪੌਰਥੋ ਕਲੀਨਿਕ ਅਹਿਮਦਗੜ੍ਹ ਦੇ ਪ੍ਰਸਿੱਧ ਆਰਥੋਪੈਡਿਕ ਡਾਕਟਰ, ਡਾ. ਮੋਹਿਤ ਸਿੰਗਲਾ ਵਲੋਂ ਸ਼ਹਿਰ ਵਿਚ ਪਹਿਲਾ ਦੂਰਬੀਨ ਰਾਹੀਂ ਮੋਢੇ ਦਾ ਸਫਲ ਆਪ੍ਰੇਸ਼ਨ ਕੀਤਾ ਗਿਆ | ਡਾ. ਸਿੰਗਲਾ ਨੇ ਦੱਸਿਆ ਕਿ 60 ਸਾਲਾ ਅਹਿਮਦਗੜ੍ਹ ਨਿਵਾਸੀ ਹਰਜਿੰਦਰ ਕੌਰ ਦੇ ਡਿੱਗਣ ਨਾਲ ਮੋਢੇ ਵਿਚ ਗੰਭੀਰ ਸੱਟ ਲੱਗੀ ਸੀ | ਕਈ ਡਾਕਟਰਾਂ ਨੂੰ ਦਿਖਾਉਣ ਅਤੇ ਦਵਾਈਆਂ ਖਾਣ ਤੋਂ ਬਾਅਦ ਉਨ੍ਹਾਂ ਨੇ ਮੇਰੇ ਤੋਂ ਇਸ ਸਬੰਧੀ ਸਲਾਹ ਲਈ ਅਤੇ ਮੈਂ ਐੱਮ. ਆਰ. ਆਈ. ਕਰਾਉਣ ਲਈ ਕਿਹਾ, ਜਿਸ ਵਿਚ ਮੋਢੇ ਦੀਆਂ ਰੱਸੀਆਂ, ਜਿਸ ਨੰੂ ਰੋਟੇਟਰ ਕੱਫ ਟੀਅਰ ਵੀ ਕਹਿੰਦੇ ਹਨ, ਦੀ ਪੁਸ਼ਟੀ ਹੋਈ | ਉਨ੍ਹਾਂ ਨੂੰ ਦੂਰਬੀਨ ਰਾਹੀਂ ਮੋਢੇ ਦੀਆਂ ਰੱਸੀਆਂ ਜੋੜਨ ਦੀ ਸਰਜਰੀ ਬਾਰੇ ਜਾਣਕਾਰੀ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਇਹ ਸਰਜਰੀ ਪਹਿਲਾਂ ਵੱਡੇ ਸ਼ਹਿਰ ਜਿਵੇਂ ਕਿ ਚੰਡੀਗੜ੍ਹ ਜਾਂ ਦਿੱਲੀ ਵਿਚ ਹੀ ਕੀਤੀ ਜਾਂਦੀ ਸੀ, ਪਰ ਹੁਣ ਇਹ ਸਹੂਲਤ ਅਹਿਮਦਗੜ੍ਹ ਵਿਚ ਵੀ ਉਪਲਬਧ ਹੋ ਗਈ ਹੈ | ਡਾ. ਮੋਹਿਤ ਸਿੰਗਲਾ ਨੇ ਹਰਜਿੰਦਰ ਕੌਰ ਦਾ ਸਫਲ ਆਪ੍ਰੇਸ਼ਨ ਕਰ ਕੇ ਸਮੱਸਿਆ ਦਾ ਹੱਲ ਕੀਤਾ | ਉਹ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ ਨੂੰ 5 ਵਜੇ ਤੋਂ 7 ਵਜੇ ਤਕ ਮੈਨੀ ਫਰਟਿਲਿਟੀ ਸੈਂਟਰ ਛਪਾਰ ਰੋਡ, ਅਹਿਮਦਗੜ੍ਹ ਵਿਖੇ ਆਪਣੀ ਸੇਵਾਵਾਂ ਦੇ ਰਹੇ ਹਨ |
