ਗ੍ਰੀਨ ਗਰੋਵ ਵਿਖੇ ਵਿਸ਼ਵ ਰੈੱਡ ਕਰਾਸ ਦਿਵਸ ਮਨਾਇਆ
ਅਜੀਤ ਡੈਸਕ
10-05-2026
ਪ੍ਰੋਗਰਾਮ ਦੀ ਸ਼ੁਰੂਆਤ ਅਵਨੀਤ ਵਲੋਂ ਕੀਤੇ ਨਿੱਘਾ ਸਵਾਗਤ ਨਾਲ ਹੋਈ | ਨੌਵੀਂ ਜਮਾਤ ਦੇ ਅਰਜੁਨ, ਬਲਰਾਜ, ਸਹਿਜ, ਦਿਲਪ੍ਰੀਤ, ਜੋਬਨ ਅਤੇ ਭਵਨੀਤ ਵਲੋਂ ਰੈੱਡ ਕਰਾਸ ਸੁਸਾਇਟੀ ਦੇ ਇਤਿਹਾਸ, ਮਹੱਤਵ ਅਤੇ ਮਾਨਵਤਾਵਾਦੀ ਕਾਰਜਾਂ ਨੂੰ ਉਜਾਗਰ ਕਰਦੇ ਹੋਏ ਸ਼ਾਨਦਾਰ ਪਾਵਰਪੁਆਇੰਟ ਪੇਸ਼ਕਾਰੀ ਪੇਸ਼ ਕੀਤੀ ਗਈ | ਸੀਰਤ ਵਲੋਂ ਅੰਗਰੇਜ਼ੀ ਭਾਸ਼ਨ ਦਿੱਤਾ ਗਿਆ, ਜਦੋਂ ਕਿ ਪ੍ਰਨੀਤ ਨੇ ਇੱਕ ਪ੍ਰਭਾਵਸ਼ਾਲੀ ਹਿੰਦੀ ਭਾਸ਼ਨ ਪੇਸ਼ ਕੀਤਾ | ਗੁਰਬਾਣੀ ਨੇ ਮਨੁੱਖਤਾ ਅਤੇ ਦਇਆ ਦੀ ਭਾਵਨਾ ਨੂੰ ਸਮਰਪਿਤ ਇੱਕ ਸੁੰਦਰ ਅੰਗਰੇਜ਼ੀ ਕਵਿਤਾ ਸੁਣਾਈ | ਵਿਦਿਆਰਥੀਆਂ ਵਲੋਂ ਇੱਕ ਛੋਟਾ ਅਤੇ ਪ੍ਰਭਾਵਸ਼ਾਲੀ ਨਾਟਕ ਪੇਸ਼ ਕੀਤਾ ਗਿਆ | ਨਾਟਕ ਵਿਚ ਦਿਖਾਇਆ ਕਿ ਕਿਵੇਂ ਰੈੱਡ ਕਰਾਸ ਦੇ ਵਲੰਟੀਅਰ ਐਮਰਜੈਂਸੀ ਅਤੇ ਆਫ਼ਤਾਂ ਦੌਰਾਨ ਲੋਕਾਂ ਦੀ ਮਦਦ ਕਰਦੇ ਹਨ | ਪਿ੍ੰਸੀਪਲ ਮਿਸ ਸੂਜ਼ੀ ਜਾਰਜ ਨੇ ਵਿਦਿਆਰਥੀਆਂ ਦੀ ਸਖ਼ਤ ਮਿਹਨਤ, ਆਤਮਵਿਸ਼ਵਾਸ ਅਤੇ ਸਿਰਜਣਾਤਮਕਤਾ ਦੀ ਸ਼ਲਾਘਾ ਕੀਤੀ |
