ਸਟੀਲ ਮਿੱਲ ਦੀ ਭੱਠੀ ਵਿੱਚ ਹਾਦਸਾ 5 ਕਾਮੇ ਜ਼ਖ਼ਮੀ, ਇਕ ਦੀ ਮੌਤ

ਖੰਨਾ, 22 ਅਗਸਤ (ਹਰਜਿੰਦਰ ਸਿੰਘ ਲਾਲ)-ਅੱਜ ਖੰਨਾ ਦੇ ਭਾਦਲਾ ਰੋਡ ’ਤੇ ਪਿੰਡ ਅਲੌੜ ਵਿੱਚ ਐੱਚ. ਐੱਲ.

ਫ

ਫੈਕਟਰੀ ਘਟਨਾ ਸਥਾਨ ਦੀ ਤਸਵੀਰ। 23-08-2026

ਖੰਨਾ, 22 ਅਗਸਤ (ਹਰਜਿੰਦਰ ਸਿੰਘ ਲਾਲ)-ਅੱਜ ਖੰਨਾ ਦੇ ਭਾਦਲਾ ਰੋਡ ’ਤੇ ਪਿੰਡ ਅਲੌੜ ਵਿੱਚ ਐੱਚ. ਐੱਲ. ਚੋਪੜਾ ਸਟੀਲ ਰੋਲਿੰਗ ਮਿੱਲ ਦੀ ਭੱਠੀ ਫਟਣ ਨਾਲ ਛੇ ਕਾਮੇ ਜ਼ਖਮੀ ਹੋ ਗਏ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਭੱਠੀ ਵਿੱਚ ਲੋਹਾ ਪਿਘਲਾਇਆ ਜਾ ਰਿਹਾ ਸੀ। ਭੱਠੀ ਉਬਲਣ ਨਾਲ ਮਜ਼ਦੂਰਾਂ ’ਤੇ ਉਬਲਦਾ ਲੋਹਾ ਡਿੱਗ ਪਿਆ। ਉਨ੍ਹਾਂ ਨੂੰ ਇਲਾਜ ਲਈ ਖੰਨਾ ਦੇ ‘ਖੰਨਾ ਨਰਸਿੰਗ ਹੋਮ’ ਵਿੱਚ ਦਾਖਲ ਕਰਵਾਇਆ ਗਿਆ। ਇਨ੍ਹਾਂ ਵਿੱਚੋਂ ਤਿੰਨ ਕਾਮਿਆਂ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਗਈ ਅਤੇ ਡੀ. ਐਮ. ਸੀ ਲੁਧਿਆਣਾ ਰੈਫਰ ਕਰ ਦਿੱਤਾ ਗਿਆ। ਪਤਾ ਲੱਗਾ ਹੈ ਕਿ ਬਾਅਦ ਵਿਚ ਉਨ੍ਹਾਂ ਵਿਚੋਂ ਇਕ ਦੀ ਮੌਤ ਹੋ ਗਈ ਹੈ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਥਾਣਾ ਸਦਰ ਦੀ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ।ਜਾਣਕਾਰੀ ਅਨੁਸਾਰ, ਜਦੋਂ ਭੱਠੀ ਵਿੱਚ ਸਮੱਗਰੀ ਪਿਘਲਾਈ ਜਾ ਰਹੀ ਸੀ, ਤਾਂ ਭੱਠੀ ਵਿੱਚ ਕੁਝ ਜਾ ਡਿੱਗਾ, ਜਿਸ ਕਾਰਨ ਉਹ ਉਬਲਣ ਲੱਗ ਪਈ। ਗਰਮ, ਉਬਲਦਾ ਲੋਹਾ ਛੇ ਕਾਮਿਆਂ ’ਤੇ ਡਿੱਗ ਪਿਆ, ਜਿਸ ਨਾਲ ਮਿੱਲ ਵਿੱਚ ਦਹਿਸ਼ਤ ਫੈਲ ਗਈ। ਜ਼ਖਮੀ ਕਾਮਿਆਂ ਨੂੰ ਤੁਰੰਤ ਖੰਨਾ ਨਰਸਿੰਗ ਹੋਮ ਵਿੱਚ ਦਾਖਲ ਕਰਵਾਇਆ ਗਿਆ।ਫੈਕਟਰੀ ਮਾਲਕ ਗੌਰਵ ਚੋਪੜਾ ਨੇ ਦੱਸਿਆ ਕਿ ਗਰਮ ਕਰਨ ਦੀ ਪ੍ਰਕਿਰਿਆ ਦੌਰਾਨ, ਪਿੰਨੀਆਂ ਅਤੇ ਬਿਲੇਟ ਤਿਆਰ ਕੀਤੇ ਜਾ ਰਹੇ ਸਨ। ਪਿਘਲੇ ਹੋਏ ਪਦਾਰਥ ਵਿੱਚ ਇੱਕ ਛੋਟਾ ਜਿਹਾ ਟੁਕੜਾ ਰਹਿ ਗਿਆ, ਜੋ ਕਿ ਪਾਈਪ ਜਾਂ ਸ਼ੌਕ ਅਬਜ਼ਰਬਰ ਵਰਗਾ ਸੀ। ਗੈਸ ਪੈਦਾ ਹੋਣ ਕਾਰਨ, ਭੱਠੀ ਅਚਾਨਕ ਉਬਲ ਗਈ, ਅਤੇ ਗਰਮ ਪਦਾਰਥ ਮਜ਼ਦੂਰਾਂ ’ਤੇ ਪੈ ਗਿਆ।ਇਸ ਹਾਦਸੇ ਵਿੱਚ ਕੁੱਲ ਪੰਜ ਮਜ਼ਦੂਰ ਜ਼ਖਮੀ ਹੋ ਗਏ ਜਿਨ੍ਹਾਂ ਵਿਚ ਰਾਜੂ, ਅਨਿਲ, ਚੂਨਾ ਰਾਮ, ਦੀਸ਼ਰਾਜ, ਸੁਨੀਲ ਸ਼ਾਮਿਲ ਹਨ ਅਤੇ ਇਕ ਮਜਦੂਰ ਰਾਕੇਸ਼ ਕੁਮਾਰ ਦੀ ਮੌਤ ਹੋ ਗਈ। ਉਨ੍ਹਾਂ ਵਿੱਚੋਂ ਇੱਕ ਨੂੰ ਮੁੱਢਲੀ ਸਹਾਇਤਾ ਅਤੇ ਡਰੈਸਿੰਗ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ, ਜਦੋਂ ਕਿ ਦੋ ਹੋਰਾਂ ਦਾ ਖੰਨਾ ਦੇ ਇੱਕ ਨਰਸਿੰਗ ਹੋਮ ਵਿੱਚ ਇਲਾਜ ਚੱਲ ਰਿਹਾ ਹੈ। ਫੈਕਟਰੀ ਪ੍ਰਬੰਧਨ ਦਾ ਕਹਿਣਾ ਹੈ ਕਿ ਸਾਰੇ ਜ਼ਖਮੀਆਂ ਨੂੰ ਸਭ ਤੋਂ ਵਧੀਆ ਸੰਭਵ ਇਲਾਜ ਪ੍ਰਦਾਨ ਕੀਤਾ ਜਾ ਰਿਹਾ ਹੈ ਅਤੇ ਉਹ ਆਪਣੇ ਪਰਿਵਾਰਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਹਨ।ਦੂਜੇ ਪਾਸੇ, ਸਦਰ ਪੁਲਿਸ ਸਟੇਸ਼ਨ ਦੇ ਇੰਸਪੈਕਟਰ ਪਵਿੱਤਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਦੇ ਅਨੁਸਾਰ, ਹਾਦਸੇ ਵਿੱਚ ਕੁੱਲ ਛੇ ਮਜ਼ਦੂਰ ਜ਼ਖਮੀ ਹੋਏ ਹਨ। ਐਸ. ਐਚ. ਓ ਸਦਰ ਇੰਸਪੈਕਟਰ ਪਵਿੱਤਰ ਸਿੰਘ ਨੇ ਦੱਸਿਆ ਕਿ ਰਾਕੇਸ਼ ਕੁਮਾਰ 32 ਸਾਲ ਦੀ ਦੇਰ ਸ਼ਾਮ ਮੌਤ ਹੋ ਗਈ ਹੈ। ਉਨ੍ਹਾਂ ਕਿਹਾ ਕਿ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਲੈਣ ਤੋਂ ਬਾਅਦ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ, ਉਨ੍ਹਾਂ ਦੱਸਿਆ ਕਿ ਇਹ ਮਜ਼ਦੂਰ ਦਵਿੰਦਰ ਠੇਕੇਦਾਰ ਦੀ ਲੇਬਰ ਵਿੱਚ ਕੰਮ ਕਰਦੇ ਹਨ।

ਪਿਛਲੀ ਖ਼ਬਰ ਪੁਸ਼ਕਰ ਰਾਜ ਸਿੰਘ ਬਣੇ ਹਿਊਮਨ ਵੈਲਫੇਅਰ ਐਂਡ ਬਲੱਡ ਡੋਨਰ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਰਮਨਜੀਤ ਸਿੰਘ ਸੌਂਦ ਚੇਅਰਮੈਨ ਅਗਲੀ ਖ਼ਬਰ ਸਿਹਤ ਵਿਭਾਗ ਦੇ ਕੱਚੇ ਸਫਾਈ ਸੇਵਕਾਂ ਨੇ ਕੀਤਾ ਰੋਸ ਮਾਰਚ ਪੱਕਾ ਕਰਨ ਦੀ ਮੰਗ ਨੂੰ ਲੈ ਕੇ ਐਸ. ਡੀ. ਐਮ. ਰਾਹੀਂ ਮੁੱਖ ਮੰ...

ਸਟੀਲ ਮਿੱਲ ਦੀ ਭੱਠੀ ਵਿੱਚ ਹਾਦਸਾ 5 ਕਾਮੇ ਜ਼ਖ਼ਮੀ, ਇਕ ਦੀ ਮੌਤ

ਸੰਬੰਧਿਤ ਖ਼ਬਰਾਂ