ਹੰਡਿਆਇਆ, 5 ਅਪ੍ਰੈਲ (ਗੁਰਜੀਤ ਸਿੰਘ ਖੁੱਡੀ)-ਹੰਡਿਆਇਆ ਵਿਖੇ ਵਾਟਰ ਸਪਲਾਈ ਦੀ ਤਿੰਨ ਦਿਨਾਂ ਤੋਂ ਵਾਟਰ ਸਪਲਾਈ ਦੀ ਪਾਈਪ ਟੁੱਟੀ ਹੋਣ ਕਾਰਨ ਮੁਹੱਲਾ ਨਿਵਾਸੀਆਂ ਨੂੰ ਪੀਣ ਵਾਲਾ ਪਾਣੀ ਨਾ ਮਿਲਣ ਕਰ ਕੇ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਟੁੱਟੀ ਪਾਈਪ ਨੂੰ ਠੀਕ ਨਾ ਕਰਨ ਕਾਰਨ ਇੱਥੋਂ ਮੁਹੱਲਾ ਨਿਵਾਸੀਆਂ ਨੂੰ ਲੰਘਣਾ ਵੀ ਮੁਸ਼ਕਿਲ ਹੋਇਆ ਪਿਆ ਹੈ | ਹੰਡਿਆਇਆ ਦੇ ਕਿਲਾ ਪੱਤੀ ਦੇ ਵਾਸੀਆਂ ਗੁਰਬਚਨ ਸਿੰਘ, ਵਿਕਰਮਜੀਤ ਸਿੰਘ, ਰਿੰਕੂ ਸਿੰਘ, ਕੇਸਰ ਸਿੰਘ, ਗੁਲਾਬ ਸਿੰਘ, ਮਲਕੀਤ ਸਿੰਘ ਤੇ ਚਮਕੌਰ ਸਿੰਘ ਨੇ ਦੱਸਿਆ ਕਿ ਵਾਟਰ ਸਪਲਾਈ ਵਾਲੀ ਪਾਈਪ ਲੀਕ ਹੋ ਗਈ ਸੀ ਜਿਸ ਨੂੰ ਨਵੀਂ ਪਾਉਣ ਲਈ ਤਿੰਨ ਦਿਨਾਂ ਤੋਂ ਪੁੱਟਿਆ ਪਿਆ ਹੈ, ਪਰ ਅਜੇ ਤੱਕ ਪਾਈਪ ਨਹੀਂ ਪਾਈ ਗਈ | ਜਿੱਥੋਂ ਕਿਲਾ ਪੱਤੀ ਵਾਸੀਆਂ ਨੂੰ ਲੰਘਣਾ ਮੁਹਾਲ ਹੋਇਆ ਪਿਆ ਹੈ | ਉਨ੍ਹਾਂ ਦੱਸਿਆ ਕਿ ਪਿਛਲੇ ਤਿੰਨ ਦਿਨਾਂ ਤੋਂ ਪੀਣ ਵਾਲਾ ਨਾ ਆਉਣ ਕਾਰਨ ਲੋਕ ਪ੍ਰੇਸ਼ਾਨ ਹਨ | ਉਨ੍ਹਾਂ ਕਿਹਾ ਕਿ ਨਾ ਤਾਂ ਵਾਟਰ ਸਪਲਾਈ ਸੀਵਰੇਜ ਦਾ ਜੇ.ਈ. ਫ਼ੋਨ ਚੁੱਕਦਾ ਹੈ ਅਤੇ ਨਾ ਨਗਰ ਪੰਚਾਇਤ ਦਾ ਪ੍ਰਧਾਨ ਫ਼ੋਨ ਚੁੱਕਦਾ ਹੈ | ਉਕਤ ਵਾਸੀਆਂ ਨੇ ਈ.ਓ. ਹੰਡਿਆਇਆ ਪਾਸੋਂ ਮੰਗ ਕੀਤੀ ਹੈ ਕਿ ਜਲਦੀ ਪਾਈਪ ਪਾ ਕੇ ਪਾਣੀ ਦੀ ਸਪਲਾਈ ਅਤੇ ਰਸਤਾ ਚਾਲੂ ਕੀਤੀ ਜਾਵੇ |
