ਖਨੌਰੀ, 2 ਅਪ੍ਰੈਲ (ਬਲਵਿੰਦਰ ਸਿੰਘ ਥਿੰਦ)-ਖਨੌਰੀ ਨੇੜਲੇ ਸ਼੍ਰੀ ਬਾਲਾ ਜੀ ਧਾਮ ਪਦਾਰਥ ਖੇੜਾ ਵਿਖੇ ਸ੍ਰੀ ਹਨੂੰਮਾਨ ਬਜਰੰਗ ਬਲੀ ਦਾ ਜਨਮ ਦਿਹਾੜਾ ਬੜੀ ਹੀ ਸ਼ਰਧਾ ਨਾਲ ਮਨਾਇਆ ਗਿਆ | ਜਿਸ ਮੌਕੇ ਪਿੰਡ ਪਦਾਰਥ ਖੇੜਾ ਤੋਂ ਇਲਾਵਾ ਨੇੜਲੇ ਇਲਾਕੇ ਦੇ ਲੋਕਾਂ ਨੇ ਵੱਡੀ ਗਿਣਤੀ ਦੇ ਵਿਚ ਮੰਦਰ ਵਿਖੇ ਮੱਥਾ ਟੇਕਿਆ | ਮੰਦਿਰ ਕਮੇਟੀ ਦੇ ਪ੍ਰਧਾਨ ਸ਼ੀਸ਼ਪਾਲ ਮਿੱਤਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਮੌਕੇ ਤੇ ਮੰਦਿਰ ਦੇ ਪੁਜਾਰੀ ਦਿਨੇਸ਼ ਸ਼ਰਮਾ ਨੇ ਪੂਜਾ ਅਰਚਨਾ ਕਰਵਾਈ ਅਤੇ ਹਨੂੰਮਾਨ ਚਾਲੀਸਾ ਦਾ ਪਾਠ ਕੀਤਾ | ਇਸ ਮੌਕੇ ਤੇ ਕੜੀ ਚਾਵਲ ਤੇ ਲੱਡੂਆਂ ਦਾ ਭੰਡਾਰਾ ਵੀ ਲਗਾਇਆ ਗਿਆ | ਉਨ੍ਹਾਂ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸ਼੍ਰੀ ਹਨੂੰਮਾਨ ਜੀ ਦਾ ਪ੍ਰਕਾਸ਼ ਉਤਸਵ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਗਿਆ | ਇਸ ਮੌਕੇ ਅੰਕੁਰ ਸਿੰਗਲਾ ਐਮ ਸੀ ਖਨੌਰੀ, ਸੋਨੀ, ਨਰੇਸ਼ ਵਰਮਾ, ਨਰਿੰਦਰ ਵਰਮਾ, ਬਿੰਨੀ ਮਿੱਤਲ, ਰਾਕੇਸ਼ ਕੁਮਾਰ, ਲੀਲਾ ਰਾਮ, ਡਿੰਪਲ, ਭੂਸ਼ਣ ਕੁਮਾਰ ਆਦਿ ਤੋਂ ਇਲਾਵਾ ਹੋਰ ਵੀ ਕਈ ਕਮੇਟੀ ਮੈਂਬਰ ਮੌਜੂਦ ਸਨ |
