ਬਰਨਾਲਾ, 7 ਅਪ੍ਰੈਲ (ਅਸ਼ੋਕ ਭਾਰਤੀ)-ਵਾਈ.ਐੱਸ. ਪਬਲਿਕ ਸਕੂਲ ਹੰਡਿਆਇਆ ਦੇ ਵਿਦਿਆਰਥੀਆਂ ਨੇ ਇੰਡੀਅਨ ਇੰਸਟੀਚਿਊਟ ਆਫ ਟੈਕਨੌਲੋਜੀ ਮਦਰਾਸ (ਆਈ.ਆਈ.ਟੀ. ਮਦਰਾਸ) ਵਲੋਂ ਕਰਵਾਏ ਗਏ ਸਰਟੀਫਿਕੇਸ਼ਨ ਕੋਰਸਾਂ ਵਿਚ ਪਹਿਲੀਆਂ ਪੁਜ਼ੀਸ਼ਨਾਂ ਹਾਸਲ ਕਰ ਕੇ ਸੰਸਥਾ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਇਹ ਜਾਣਕਾਰੀ ਪਿ੍ੰਸੀਪਲ ਮੋਹਿਤ ਜਿੰਦਲ ਨੇ ਦਿੱਤੀ ਤੇ ਦੱਸਿਆ ਕਿ ਵਿਦਿਆਰਥੀ ਸਮਾਇਰਾ ਅਤੇ ਆਦਿਤ ਭਾਰਤੀ ਨੇ ਕ੍ਰਮਵਾਰ ਇੰਟਰੋਡਕਸ਼ਨ ਟੂ ਲਾਅ ਅਤੇ ਇਕਨਾਮਿਕਸ, ਫਾਈਨੈਂਸ ਐਂਡ ਮਨੀ ਮੈਟਰਜ਼ ਵਿਚ 100 ਵਿਚੋਂ 100 ਅੰਕ ਪ੍ਰਾਪਤ ਕੀਤੇ | ਚੈਤਨਿਆ ਨੇ ਵੀ ਇੰਟਰੋਡਕਸ਼ਨ ਟੂ ਲਾਅ ਵਿਚ 96 ਅੰਕ ਹਾਸਲ ਕਰ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ | ਹਰਸੀਰਤ ਕੌਰ ਨੇ 93 ਅਤੇ ਕੁਲਵਿੰਦਰ ਸਿੰਘ ਨੇ ਇੰਟਰੋਡਕਸ਼ਨ ਟੂ ਡਾਟਾ ਸਾਇੰਸ ਐਂਡ ਏ.ਆਈ. ਵਿਚ 83 ਅੰਕ ਪ੍ਰਾਪਤ ਕੀਤੇ | ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਮੋਹਿਤ ਜਿੰਦਲ ਨੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ | ਇਸ ਮੌਕੇ ਸਕੂਲ ਸਟਾਫ਼ ਤੇ ਵਿਦਿਆਰਥੀ ਹਾਜ਼ਰ ਸਨ |
