ਤਪਾ ਮੰਡੀ, 25 ਮਈ (ਵਿਜੇ ਸ਼ਰਮਾ)-ਸਬ ਡਵੀਜ਼ਨਲ ਹਸਪਤਾਲ ਵਿਖੇ ਜੇਰੇ ਇਲਾਜ ਮਰੀਜ਼ਾਂ ਦੇ ਪੀਣ ਲਈ ਠੰਢੇ ਪਾਣੀ ਦੀ ਕਮੀ ਦੇ ਮਕਸਦ ਨੂੰ ਦੂਰ ਕਰਦਿਆਂ ਤਪਾ ਕੈਮਿਸਟ ਐਸੋਸੀਏਸ਼ਨ ਵਲੋਂ ਕੀਤੇ ਗਏ ਉਦਮ ਸਦਕਾ ਸ਼ਹਿਰ ਦੇ ਦੋ ਵੱਖ-ਵੱਖ ਪਰਿਵਾਰਾਂ ਵਲੋਂ ਸਿਵਲ ਹਸਪਤਾਲ ਤਪਾ ਨੂੰ ਦੋ ਵੱਡੇ ਵਾਟਰ ਕੂਲਰ ਹਸਪਤਾਲ ਦੇ ਸੀਨੀਅਰ ਮੈਡੀਕਲ ਅਧਿਕਾਰੀ ਡਾ: ਕੰਵਲਜੀਤ ਬਾਜਵਾ ਦੀ ਮੌਜੂਦਗੀ ਵਿਚ ਭੇਟ ਕੀਤੇ ਗਏ | ਇਸ ਮੌਕੇ ਵਾਟਰ ਕੂਲਰ ਦਾਨ ਕਰਨ ਵਾਲੇ ਦਾਨੀ ਸੱਜਣ ਹਰੀਸ਼ ਕੁਮਾਰ ਵਲੋਂ ਆਪਣੇ ਪਿਤਾ ਮਨੋਹਰ ਲਾਲ ਅਤੇ ਮਾਤਾ ਸ੍ਰੀਮਤੀ ਸ਼ਾਂਤੀ ਦੇਵੀ ਦੀ ਯਾਦ ਵਿਚ ਅਤੇ ਇੱਕ ਵਾਟਰ ਕੂਲਰ ਪਾਲ ਸਿੰਘ ਮਾਨ ਅਤੇ ਨਵਦੀਪ ਪਾਲ ਸਿੰਘ ਵਲੋਂ ਆਪਣੇ ਮਾਤਾ ਪਿਤਾ ਅਤੇ ਪਰਿਵਾਰਕ ਤੰਦਰੁਸਤੀ ਨੂੰ ਮੁੱਖ ਰੱਖਦਿਆਂ ਭੇਟ ਕੀਤਾ ਗਿਆ | ਜਿਨ੍ਹਾਂ ਦਾ ਐਸ.ਐਮ.ਓ ਡਾ: ਕੰਵਲਜੀਤ ਬਾਜਵਾ ਸਮੇਤ ਹਾਜਰ ਸਟਾਫ਼ ਨੇ ਤਹਿ ਦਿਲੋਂ ਧੰਨਵਾਦ ਕੀਤਾ | ਇਸ ਮੌਕੇ ਸੀਨੀਅਰ ਸਟਾਫ਼ ਨਰਸ ਮੈਡਮ ਪਰਮਜੀਤ ਕੌਰ, ਸਟਾਫ਼ ਨਰਸ ਦਨਵੀਰ ਕੌਰ, ਲੈਬ ਟੈਕਨੀਸ਼ਨ ਘਣਸ਼ਾਮ ਦਾਸ, ਬਲਾਕ ਐਜੂਕੇਟਰ ਜਸਪਾਲ ਸਿੰਘ ਜਟਾਣਾ, ਤਪਾ ਕੈਮਿਸਟ ਐਸੋਸੀਏਸ਼ਨ ਦੇ ਜਰਨਲ ਸੈਕਟਰੀ ਖ਼ੁਸ਼ਦੀਪ ਗਰਗ, ਸਮਾਜ ਸੇਵੀ ਪਵਨ ਕੁਮਾਰ ਸ਼ੀਲਾ, ਸਮਾਜ ਸੇਵੀ ਦੱਮੀ ਗਰਗ, ਕਲਰਕ ਬੂਟਾ ਸਿੰਘ, ਬਲਕਾਰ ਸਿੰਘ ਆਦਿ ਹਾਜਰ ਸਨ |
