ਸ਼ਹਿਣਾ, 26 ਮਈ (ਸੁਰੇਸ਼ ਗੋਗੀ)-ਬੀਤੀ ਦੇਰ ਸ਼ਾਮ ਪੱਖੋ ਕੈਂਚੀਆਂ ਦੇ ਮੋਗਾ ਰੋਡ 'ਤੇ ਇਕ ਕਬਾੜ ਦੀ ਦੁਕਾਨ ਨੂੰ ਅੱਗ ਲੱਗ ਗਈ, ਪਰ ਆਰਥਿਕ ਨੁਕਸਾਨ ਤੋਂ ਬਚਾਅ ਰਿਹਾ | ਪਾਲਾ ਰਾਮ ਜੋ ਕਿ ਮੋਗਾ ਰੋਡ 'ਤੇ ਕਬਾੜ ਦਾ ਕੰਮ ਕਰਦਾ ਹੈ ਨੇ ਦੱਸਿਆ ਕਿ ਨੇੜਲੇ ਪਲਾਂਟ ਵਿਚ ਕੁੱਝ ਫ਼ਾਲਤੂ ਸਮਾਨ ਨੂੰ ਅੱਗ ਲਾਈ ਗਈ ਸੀ, ਜੋ ਕਿ ਹਵਾ ਦੇ ਰੁਖ ਨਾਲ ਕਬਾੜ ਦੇ ਵਾਧੂ ਪਏ ਸਮਾਨ ਨੂੰ ਚੜ ਗਈ | ਇਸ ਉਪਰੰਤ ਫਾਇਰ ਬਿ੍ਗੇਡ ਨਾਲ ਅੱਗ 'ਤੇ ਕਾਬੂ ਪਾਇਆ ਗਿਆ | ਜੇਕਰ ਅੱਗ ਲੱਗਣ ਦਾ ਰਾਤ ਸਮੇਂ ਪਤਾ ਲੱਗਦਾ ਤਾਂ ਕਾਫ਼ੀ ਨੁਕਸਾਨ ਹੋ ਜਾਣਾ ਸੀ, ਪਰ ਦਿਨ ਛਿਪਣ ਤੋਂ ਬਾਅਦ ਹੀ ਅੱਗ ਦਾ ਪਤਾ ਲੱਗਣ 'ਤੇ ਫਾਇਰ ਬਿ੍ਗੇਡ ਨੂੰ ਸੂਚਿਤ ਕੀਤਾ ਗਿਆ |
