ਸੁਨਾਮ ਊਧਮ ਸਿੰਘ ਵਾਲਾ, 26 ਮਈ (ਸਰਬਜੀਤ ਸਿੰਘ ਧਾਲੀਵਾਲ, ਹਰਚੰਦ ਸਿੰਘ ਭੁੱਲਰ)- ਸਥਾਨਕ 8 ਨੰਬਰ ਵਾਰਡ ਦੇ ਪੋਲਿੰਗ ਸਟੇਸ਼ਨ ਵਿਚ ਉਸ ਵੇਲੇ ਰੌਲਾ ਪੈ ਗਿਆ, ਜਦੋਂ ਇਕ ਦਿਵਿਆਂਗ ਵਿਅਕਤੀ ਦੀ ਵੋਟ ਉਸਦੇ ਸਾਹਮਣੇ ਹੀ ਕੋਈ ਹੋਰ ਅਨਜਾਣ ਨੌਜਵਾਨ ਪਾ ਕੇ ਫਰਾਰ ਹੋ ਗਿਆ | ਉਕਤ ਦਿਵਿਆਂਗ ਵੋਟਰ ਰਾਜੇਸ਼ ਕੁਮਾਰ ਗੇਰਾ ਨੇ ਦੱਸਿਆ ਕਿ ਇਕ ਵਜੇ ਦੇ ਕਰੀਬ ਉਹ ਸਰਕਾਰੀ ਸਕੂਲ ( ਲੜਕੇ) 'ਚ ਬਣੇ ਬੂਥ ਨੰਬਰ 18 'ਤੇ ਆਪਣੇ ਟ੍ਰਾਈਸਾਈਕਲ ਰਾਹੀ ਵੋਟ ਪਾਉਣ ਗਿਆ ਸੀ | ਪੋਲਿੰਗ ਪਾਰਟੀ ਵਲੋ ਸਨਾਖਤ ਕਰਨ ਉਪਰੰਤ ਮੇਰੀ ਉਂਗਲੀ 'ਤੇ ਸਿਆਹੀ ਦਾ ਨਿਸ਼ਾਨ ਵੀ ਲਗਾ ਦਿੱਤਾ, ਪਰ ਜਦੋਂ ਮੈਂ ਬੈਲਟ ਪੇਪਰ ਮੰਗਿਆ ਤਾਂ ਮੇਰੇ ਸਾਹਮਣੇ ਹੀ ਇਕ ਨੌਜਵਾਨ ਨੇ ਮੇਰੀ ਵੋਟ ਪਾ ਦਿੱਤੀ | ਮੈਂ ਉਸ ਨੌਜਵਾਨ ਨੂੰ ਪੁੱਛਿਆ ਕੀ ਤੂੰ ਕੌਣ ਹੈ ਅਤੇ ਮੇਰੀ ਵੋਟ ਕਿਉਂ ਪਾਈ ਹੈ, ਜਦੋਂ ਮੈਂ ਰੌਲਾ ਪਾਇਆ ਤਾਂ ਉਹ ਨੌਜਵਾਨ ਉੱਥੋਂ ਫਰਾਰ ਹੋ ਗਿਆ | ਰਾਜੇਸ਼ ਕੁਮਾਰ ਨੇ ਪੁਲਿਸ ਤੋਂ ਜਾਂਚ ਦੀ ਮੰਗ ਕੀਤੀ |
