ਬਰਨਾਲਾ

ਤਪਾ ਖੇਤਰ ਅੰਦਰ ਝੱਖੜ ਨੇ ਕਈ ਦਰੱਖਤ ਤੋੜੇ

ਅ

ਅਜੀਤ ਡੈਸਕ 12-06-2026

ਤਪਾ ਮੰਡੀ, 11 ਜੂਨ (ਵਿਜੇ ਸ਼ਰਮਾ)-ਮਾਲਵਾ ਦੇ ਤਪਾ ਖੇਤਰ ਅੰਦਰ ਚਲੇ ਤੇਜ਼ ਝੱਖੜ ਕਾਰਨ ਦਰੱਖਤਾਂ ਦਾ ਕਾਫ਼ੀ ਨੁਕਸਾਨ ਹੋਣ ਦਾ ਸਮਾਚਾਰ ਮਿਲਿਆ ਹੈ | ਇਥੋਂ ਤੱਕ ਕਿ ਇਲਾਕੇ ਦੇ ਇਤਿਹਾਸਕ ਅਸਥਾਨ ਬਾਬਾ ਸਖਾਨੰਦ ਬਾਬਾ ਮੱਠ ਵਿਖੇ ਇਕ ਕਾਫ਼ੀ ਪੁਰਾਣਾ ਬਨ ਦਾ ਦਰੱਖਤ ਟੁੱਟ ਕੇ ਡਿਗ ਪਿਆ, ਜਿਸ ਕਾਰਨ ਕੋਈ ਵੀ ਜਾਨੀ ਮਾਲੀ ਨੁਕਸਾਨ ਨਹੀਂ ਹੋਇਆ | ਜਾਣਕਾਰੀ ਮੁਤਾਬਿਕ ਸ਼ਾਮ ਨੂੰ ਚੱਲੇ ਤੇਜ਼ ਝੱਖੜ ਕਾਰਨ ਤਪਾ ਤੋਂ ਮਹਿਤਾ ਵਾਲੇ ਰਸਤੇ 'ਤੇ ਕਈ ਦਰੱਖਤ ਟੁੱਟ ਕੇ ਡਿਗ ਪਏ | ਇਸ ਤੋਂ ਇਲਾਵਾ ਖੇਤਰ ਅੰਦਰ ਹੋਰ ਕਈ ਥਾਵਾਂ ਤੇ ਕਾਫ਼ੀ ਵੱਡੇ ਦਰੱਖਤ ਤੇ ਝੱਖੜ ਕਾਰਨ ਡਿਗ ਪਏ | ਇਸੇ ਨਾਲ ਹੀ ਤਪਾ ਦੇ ਇਤਿਹਾਸਿਕ ਸਥਾਨ ਬਾਬਾ ਮੱਠ ਵਿਖੇ ਇਕ ਕਾਫ਼ੀ ਪੁਰਾਣਾ ਬਨ ਦਾ ਦਰੱਖਤ ਟੁੱਟ ਕੇ ਡਿਗ ਪਿਆ, ਪਰ ਉਸ ਸਮੇਂ ਤੇ ਹਨੇਰੀ ਕਾਰਨ ਕੋਈ ਵੀ ਸ਼ਰਧਾਲੂ ਬਾਬਾ ਮੱਠ ਅੰਦਰ ਨਹੀਂ ਸੀ, ਤੇਜ਼ ਝੱਖੜ ਕਾਰਨ ਦਰੱਖਤਾਂ ਦਾ ਕਾਫ਼ੀ ਨੁਕਸਾਨ ਹੋ ਚੁੱਕਿਆ ਹੈ ਅਤੇ ਤੇਜ਼ ਝੱਖੜ ਤੋਂ ਬਾਅਦ ਖੇਤਰ ਅੰਦਰ ਹਲਕੀ ਬੰੂਦਾ-ਬਾਂਦੀ ਦੀ ਕਾਰਨ ਮੌਸਮ ਕਾਫ਼ੀ ਠੰਢਾ ਹੋ ਗਿਆ ਤੇ ਲੋਕਾਂ ਨੂੰ ਅੱਤ ਦੀ ਗਰਮੀ ਤੋਂ ਕੁੱਝ ਰਾਹਤ ਮਿਲੀ |