ਸ਼ਹਿਣਾ, 25 ਜੂਨ (ਸੁਰੇਸ਼ ਗੋਗੀ)-ਸਨਅਤੀ ਕਸਬਾ ਪੱਖੋ ਕੈਂਚੀਆਂ ਨੇੜੇ ਸ਼ਾਮ ਨੂੰ ਪੈਪਸੂ ਰੋਡਵੇਜ਼ ਦੀ ਬੱਸ ਹੇਠਾਂ ਆਉਣ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ । ਪ੍ਰਾਪਤ ਜਾਣਕਾਰੀ ਪੈਪਸੂ ਰੋਡਵੇਜ਼ ਟਰਾਂਸਪੋਰਟ ਦੀ ਬੱਸ ਪੀ.ਬੀ. 13 ਬੀ.ਯੂ. 5995 ਚੰਡੀਗੜ੍ਹ ਤੋਂ ਫ਼ਰੀਦਕੋਟ ਜਾ ਰਹੀ ਸੀ ਕਿ ਪੱਖੋ ਕੈਂਚੀਆਂ ਚੌਕ ਤੋਂ ਸਵਾਰੀਆਂ ਉਤਾਰਨ ਉਪਰੰਤ ਜਿਉਂ ਹੀ ਡਰਾਈਵਰ ਨੇ ਬੱਸ ਅੱਗੇ ਤੋਰੀ ਤਾਂ ਅਚਾਨਕ ਨੇੜਿਉਂ ਲੰਘਿਆ ਜਾਂਦਾ ਚਰਨਾ ਰਾਮ ਪੁੱਤਰ ਮਹਿੰਗਾ ਰਾਮ 55 ਸਾਲ ਜੋ ਕਿ ਇਕ ਲੱਤ ਤੋਂ ਅਪਾਹਜ ਸੀ। ਬੱਸ ਦੇ ਅਗਲੇ ਟਾਇਰਾਂ ਨੇੜੇ ਡਿਗ ਪਿਆ ਤੇ ਬੱਸ ਦਾ ਟਾਇਰ ਸਿਰ ਦੇ ਉੱਪਰ ਦੀ ਲੰਘ ਗਿਆ। ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਸੜਕ ਸੁਰੱਖਿਆ ਫੋਰਸ ਦੇ ਏ.ਐਸ.ਆਈ. ਗੁਰਦੇਵ ਸਿੰਘ ਮੌਕੇ ’ਤੇ ਪੁੱਜੇ। ਲਾਸ਼ ਐਂਬੂਲੈਂਸ ਰਾਹੀਂ ਬਰਨਾਲਾ ਭੇਜੀ ਗਈ।
