ਮਦਰ ਟੀਚਰ ਸਕੂਲ ਵਿਖੇ ਨੌਜਵਾਨ ਸੋਚ ਨੂੰ ਸਸਕਤੀਕਰਨ ਬਣਾਉਣ ਲਈ ਕਾਨਫ਼ਰੰਸ
ਅਜੀਤ ਡੈਸਕ
31-07-2026
ਬਰਨਾਲਾ, 30 ਜੁਲਾਈ (ਅਸ਼ੋਕ ਭਾਰਤੀ)-ਮਦਰ ਟੀਚਰ ਸਕੂਲ ਬਰਨਾਲਾ ਵਿਖੇ ‘ਕੂਟਨੀਤੀ, ਵਾਦ ਵਿਵਾਦ ਅਤੇ ਲੀਡਰਸ਼ਿਪ ਰਾਹੀਂ ਨੌਜਵਾਨ ਸੋਚ ਨੂੰ ਸਸਕਤੀ ਕਰਨ ਬਣਾਉਣ ਲਈ ਕਾਨਫ਼ਰੰਸ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਵਿਦਿਆਰਥੀਆਂ ਨੇ ਯੂ.ਐਨ.ਸੀ.ਐਸ.ਡਬਲਯੂ. ਯੂ.ਐਨ.ਐਚ.ਆਰ.ਸੀ., ਲੋਕ ਸਭਾ, ਏ.ਆਈ.ਪੀ.ਪੀ.ਐਮ. ਕਮੇਟੀਆਂ ਵਿਚ ਭਾਗ ਲੈਂਦਿਆਂ ਹੋਇਆ ਕੌਮਾਂਤਰੀ ਭਖਦੇ ਮਸਲਿਆਂ ’ਤੇ ਵਿਚਾਰ ਚਰਚਾ ਕਰਦਿਆਂ ਸਾਈਬਰ ਸੁਰੱਖਿਆ, ਏ.ਆਈ, ਮਹਿਲਾਵਾਂ ਦੀ ਸੁਰੱਖਿਆ, ਡਿਜੀਟਲ, ਰਾਖਵਾਂਕਰਨ ਅਤੇ ਜਾਤੀ ਆਧਾਰਤ ਜਨਗਣਨਾ ਵਰਗੇ ਮਹੱਤਵਪੂਰਨ ਵਿਸ਼ਿਆਂ ’ਤੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਮੌਕੇ ਸੰਸਥਾ ਦੇ ਪ੍ਰਿੰਸੀਪਲ ਦਲਜੀਤ ਸਿੰਘ ਨੇ ਕਿਹਾ ਕਿ ਅਜਿਹੀਆਂ ਕਾਨਫ਼ਰੰਸਾਂ ਕਰਵਾਉਣ ਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਲੀਡਰਸ਼ਿਪ, ਸੋਚ, ਸੰਚਾਰ ਅਤੇ ਆਲੋਚਨਾਤਮਿਕ ਸੋਚ ਦੇ ਹੁਨਰਾਂ ਨੂੰ ਨਿਖਾਰਨਾ ਤੇ ਉਨ੍ਹਾਂ ਨੂੰ ਜ਼ਿੰਮੇਵਾਰ ਨਾਗਰਿਕ ਬਣਨ ਲਈ ਪ੍ਰੇਰਿਤ ਕਰਨਾ ਹੈ। ਇਸ ਮੌਕੇ ਸਕੂਲ ਸਟਾਫ਼ ਤੇ ਵਿਦਿਆਰਥੀ ਹਾਜ਼ਰ ਸਨ।
