ਮੰਦਰ ਕਮੇਟੀ ਤੇ ਸ਼ਰਧਾਲੂਆਂ ਨੇ ਧੂਮ ਧੜੱਕੇ ਨਾਲ ਕੀਤਾ ਗਣਪਤੀ ਵਿਸਰਜਨ
ਤਪਾ ਮੰਡੀ, 25 ਸਤੰਬਰ (ਪ੍ਰਵੀਨ ਗਰਗ)-ਪੰਚਮੁਖੀ ਹਨੂਮਾਨ ਅਤੇ ਸ਼ਨੀਦੇਵ ਮੰਦਰ ਪ੍ਰਬੰਧਕ ਕਮੇਟੀ ਵਲੋਂ ਗਣੇਸ਼ ਚਤੁਰਥੀ ਨੂੰ ਮੁੱਖ ਰੱਖਦਿਆਂ ਭਗਵਾਨ ਗਣੇਸ਼ ਨੂੰ ਵਿਧੀ ਵਿਧਾਨ ਨਾਲ ਸਥਾਪਿਤ ਕਰ ਕੇ 12 ਦਿਨ ਲਗਾਤਾਰ ਪੂਜਾ ਪਾਠ ਕੀਤੀ ਗਈ। ਜਿਸ ’ਤੇ ਸਮੂਹ ਸ਼ਰਧਾਲੂਆਂ ਵਲੋਂ ਰੋਜ਼ਾਨਾ ਭਗਵਾਨ ਗਣੇਸ਼ ਜੀ ਦਾ ਪੂਜਨ ਕਰਨ ਉਪਰੰਤ ਆਰਤੀ ਕੀਤੀ ਗਈ ਅਤੇ ਭੋਗ ਲਗਵਾਇਆ ਗਿਆ।
ਤਪਾ ਮੰਡੀ, 25 ਸਤੰਬਰ (ਪ੍ਰਵੀਨ ਗਰਗ)-ਪੰਚਮੁਖੀ ਹਨੂਮਾਨ ਅਤੇ ਸ਼ਨੀਦੇਵ ਮੰਦਰ ਪ੍ਰਬੰਧਕ ਕਮੇਟੀ ਵਲੋਂ ਗਣੇਸ਼ ਚਤੁਰਥੀ ਨੂੰ ਮੁੱਖ ਰੱਖਦਿਆਂ ਭਗਵਾਨ ਗਣੇਸ਼ ਨੂੰ ਵਿਧੀ ਵਿਧਾਨ ਨਾਲ ਸਥਾਪਿਤ ਕਰ ਕੇ 12 ਦਿਨ ਲਗਾਤਾਰ ਪੂਜਾ ਪਾਠ ਕੀਤੀ ਗਈ। ਜਿਸ ’ਤੇ ਸਮੂਹ ਸ਼ਰਧਾਲੂਆਂ ਵਲੋਂ ਰੋਜ਼ਾਨਾ ਭਗਵਾਨ ਗਣੇਸ਼ ਜੀ ਦਾ ਪੂਜਨ ਕਰਨ ਉਪਰੰਤ ਆਰਤੀ ਕੀਤੀ ਗਈ ਅਤੇ ਭੋਗ ਲਗਵਾਇਆ ਗਿਆ। ਜਿਸ ’ਤੇ ਅੱਜ 12 ਦਿਨ ਪੂਰਾ ਹੋਣ ਉਪਰੰਤ ਮੰਦਰ ਕਮੇਟੀ ਮੈਂਬਰਾਂ ਅਤੇ ਸ਼ਰਧਾਲੂਆਂ ਵਲੋਂ ਧੂਮ ਧੜੱਕੇ ਨਾਲ ਭਗਵਾਨ ਗਣੇਸ਼ ਜੀ ਦਾ ਵਿਸਰਜਨ ਕੀਤਾ ਗਿਆ। ਇਸ ਮੌਕੇ ਪੰਡਿਤ ਰਾਹੁਲ ਸ਼ਰਮਾ ਨੇ ਸਮੂਹ ਸ਼ਰਧਾਲੂਆਂ ਨੂੰ ਗਣੇਸ਼ ਚਤੁਰਥੀ ਦਾ ਵਿਸਥਾਰ ਪੂਰਵਕ ਮਹੱਤਵ ਦੱਸਿਆ। ਮਹਿਲਾ ਕੀਰਤਨ ਮੰਡਲ ਵਲੋਂ ਭਗਵਾਨ ਗਣੇਸ਼ ਦੇ ਭਜਨ ਦਾ ਗੁਣਗਾਨ ਕਰ ਕੇ ਸੰਗਤ ਨੂੰ ਨਿਹਾਲ ਕੀਤਾ ਗਿਆ। ਵਿਸਰਜਨ ਤੋਂ ਪਹਿਲਾਂ ਸ਼ਰਧਾਲੂਆਂ ਨੇ ਨੱਚ ਕੇ ਆਪਣੀ ਖ਼ੁਸ਼ੀ ਦਾ ਇਜ਼ਹਾਰ ਕੀਤਾ।
