ਕਾਰ ਅਤੇ ਟਰਾਲੇ ਦੀ ਟੱਕਰ ’ਚ ਕਾਰ ਚਾਲਕ ਦੀ ਮੌਤ
ਧਨੌਲਾ, 19 ਅਕਤੂਬਰ (ਜਤਿੰਦਰ ਸਿੰਘ ਧਨੌਲਾ)- ਧਨੌਲਾ-ਬਰਨਾਲਾ-ਭੱਠਲਾਂ ਟੀ-ਪੁਆਇੰਟ ਦੇ ਨਜ਼ਦੀਕ ਬਰਨਾਲੇ ਤੋਂ ਆ ਰਹੀ ਕਾਰ ਦੇ ਬੇਕਾਬੂ ਹੋ ਕੇ ਸਾਹਮਣੇ ਤੋਂ ਆ ਰਹੇ ਟਰਾਲੇ ਨਾਲ ਟਕਰਾ ਜਾਣ ਕਾਰਨ ਬਰਨਾਲੇ ਦੇ ਵਸਨੀਕ ਚਸ਼ਨ ਕੁਮਾਰ ਪੁੱਤਰ ਮੱਖਣ ਕੁਮਾਰ ਦੀ ਮੌਤ ਹੋ ਗਈ। ਜਦਕਿ ਰਾਜਪੁਰੇ ਤੋਂ ਟਰਾਈਡੈਂਟ ਗਰੁੱਪ ਦਾ ਮਾਲ ਭਰ ਕੇ ਆ ਰਹੇ ਡਰਾਈਵਰ ਅਵਤਾਰ ਸਿੰਘ ਪੁੱਤਰ ਅਮਰ ਸਿੰਘ ਵਾਸੀ ਦਾਮਨ ਹੇੜੀ ਰਾਜਪੁਰਾ ਦਾ ਟਰਾਲਾ ਨੁਕਸਾਨਿਆ ਗਿਆ, ਖ਼ੁਦ ਵਾਲ-ਵਾਲ ਬਚ ਗਏ।
ਧਨੌਲਾ, 19 ਅਕਤੂਬਰ (ਜਤਿੰਦਰ ਸਿੰਘ ਧਨੌਲਾ)- ਧਨੌਲਾ-ਬਰਨਾਲਾ-ਭੱਠਲਾਂ ਟੀ-ਪੁਆਇੰਟ ਦੇ ਨਜ਼ਦੀਕ ਬਰਨਾਲੇ ਤੋਂ ਆ ਰਹੀ ਕਾਰ ਦੇ ਬੇਕਾਬੂ ਹੋ ਕੇ ਸਾਹਮਣੇ ਤੋਂ ਆ ਰਹੇ ਟਰਾਲੇ ਨਾਲ ਟਕਰਾ ਜਾਣ ਕਾਰਨ ਬਰਨਾਲੇ ਦੇ ਵਸਨੀਕ ਚਸ਼ਨ ਕੁਮਾਰ ਪੁੱਤਰ ਮੱਖਣ ਕੁਮਾਰ ਦੀ ਮੌਤ ਹੋ ਗਈ। ਜਦਕਿ ਰਾਜਪੁਰੇ ਤੋਂ ਟਰਾਈਡੈਂਟ ਗਰੁੱਪ ਦਾ ਮਾਲ ਭਰ ਕੇ ਆ ਰਹੇ ਡਰਾਈਵਰ ਅਵਤਾਰ ਸਿੰਘ ਪੁੱਤਰ ਅਮਰ ਸਿੰਘ ਵਾਸੀ ਦਾਮਨ ਹੇੜੀ ਰਾਜਪੁਰਾ ਦਾ ਟਰਾਲਾ ਨੁਕਸਾਨਿਆ ਗਿਆ, ਖ਼ੁਦ ਵਾਲ-ਵਾਲ ਬਚ ਗਏ। ਇਕੱਤਰ ਜਾਣਕਾਰੀ ਅਨੁਸਾਰ ਵੈਨਿਊ ਕਾਰ ਨੰਬਰ ਪੀ.ਬੀ 19 ਵਾਈ-3884 ਬਰਨਾਲੇ ਦੇ ਕਾਰ ਸਵਾਰ ਚਸ਼ਨ ਕੁਮਾਰ ਪੁੱਤਰ ਮੱਖਣ ਕੁਮਾਰ ਬਰਨਾਲੇ ਤੋਂ ਧਨੌਲਾ ਮੁੜਨ ਦੀ ਬਜਾਏ ਗਲਤ ਪਾਸੇ ਸੜਕ ਵੱਲ ਮੁੜ ਗਏ। ਜਿਸ ਕਾਰਨ ਹਾਦਸਾ ਵਾਪਰ ਗਿਆ ਅਤੇ ਅੱਗੋਂ ਆ ਰਹੇ ਟਰਾਲੇ ਦੇ ਨਾਲ ਜਾ ਟਕਰਾਏ। ਗੰਭੀਰ ਜ਼ਖ਼ਮੀ ਨੂੰ ਤੁਰੰਤ ਪ੍ਰਾਈਵੇਟ ਗੱਡੀ ਵਿਚ ਪਾ ਕੇ ਬਰਨਾਲੇ ਬੀ.ਐਮ.ਸੀ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਉਨ੍ਹਾਂ ਦੀ ਮੌਤ ਹੋ ਗਈ। ਸੜਕ ਸੁਰੱਖਿਆ ਫੋਰਸ ਦੇ ਸੀਨੀਅਰ ਕਰਮਚਾਰੀ ਜੋਧ ਸਿੰਘ ਤੁਰੰਤ ਘਟਨਾ ਸਥਾਨ ’ਤੇ ਪੁੱਜ ਗਏ ਤੇ ਟਰੈਫ਼ਿਕ ਨੂੰ ਬਹਾਲ ਕਰਵਾਇਆ।
