ਰਾਤ ਨੂੰ ਜਦੋਂ ਅਸੀਂ ਤੁਰਦੇ ਹਾਂ, ਤਾਂ ਚੰਦ ਵੀ ਅਸਮਾਨ ਵਿਚ ਸਾਡੇ ਨਾਲ-ਨਾਲ ਤੁਰਦਾ ਦਿਖਾਈ ਦਿੰਦਾ ਹੈ | ਪਰ ਅਸਲ ਵਿਚ ਅਜਿਹਾ ਨਹੀਂ ਹੁੰਦਾ | ਇਹ ਸਾਡੀਆਂ ਅੱਖਾਂ ਦਾ ਭਰਮ ਹੁੰਦਾ ਹੈ |
ਚੰਦ ਧਰਤੀ ਤੋਂ ਔਸਤਨ ਕਰੀਬ 3.84 ਲੱਖ ਕਿਲੋਮੀਟਰ ਦੂਰ ਹੈ | ਇੰਨੀ ਜ਼ਿਆਦਾ ਦੂਰੀ ਦੇ ਕਾਰਨ ਸਾਡੀ ਜਗ੍ਹਾ ਬਦਲਣ ਤੇ ਚੰਦ ਦੀ ਦਿਸ਼ਾ ਵਿਚ ਬਹੁਤ ਘੱਟ ਬਦਲਾਅ ਦਿਖਾਈ ਦਿੰਦਾ ਹੈ | ਇਸ ਦੇ ਉਲਟ ਸਾਡੇ ਆਸ-ਪਾਸ ਦੀਆਂ ਚੀਜ਼ਾਂ ਕਾਫੀ ਨੇੜੇ ਹੁੰਦੀਆਂ ਹਨ, ਜਿਵੇਂ ਦਰੱਖਤ, ਘਰ, ਬਿਜਲੀ ਦੇ ਖੰਭੇ ਅਤੇ ਸੜਕ ਦੇ ਕਿਨਾਰੇ ਦੀਆਂ ਵਸਤਾਂ, ਅਸੀਂ ਜਿਵੇਂ-ਜਿਵੇਂ ਅੱਗੇ ਵਧਦੇ ਹਾਂ, ਇਹ ਚੀਜ਼ਾਂ ਤੇਜ਼ੀ ਨਾਲ ਪਿੱਛੇ ਜਾਂਦੀਆਂ ਹੋਈਆਂ ਦਿਖਾਈ ਿੰਦਦੀਆਂ ਹਨ | ਇਸ ਨੂੰ ਵਿਗਿਆਨ ਵਿਚ ਦਿ੍ਸ਼ਟੀ ਪਰਿਪੇਖ ਨਾਲ ਸਮਝਿਆ ਜਾ ਸਕਦਾ ਹੈ | ਚੰਦ ਸਾਡੇ ਤੋਂ ਬਹੁਤ ਦੂਰ ਹੈ, ਇਸ ਲਈ ਅਸੀਂ ਕੁਝ ਮੀਟਰ ਜਾਂ ਕੁਝ ਕਿਲੋਮੀਟਰ ਅੱਗੇ ਵਧ ਜਾਈਏ, ਤਾਂ ਵੀ ਉਸ ਦੀ ਦਿਸ਼ਾ ਵਿਚ ਬਹੁਤ ਜ਼ਿਆਦਾ ਬਦਲਾਅ ਨਜ਼ਰ ਨਹੀਂ ਆਉਂਦਾ | ਇਸੇ ਵਜ੍ਹਾ ਕਰਕੇ ਸਾਨੂੰ ਲਗਦਾ ਹੈ ਕਿ ਉਹ ਸਾਡੇ ਨਾਲ-ਨਾਲ ਚੱਲ ਰਿਹਾ ਹੈ |
-ਮੋਬਾਈਲ : 97808-88878
