ਭਾਰਤ-ਦੱਖਣੀ ਅਫਰੀਕਾ ਵਿਚਾਲੇ ਸੁਪਰ-8 ਦਾ ਮੁਕਾਬਲਾ ਅੱਜ <br/>

ਮੁੰਬਈ, 21 ਫਰਵਰੀ (ਅ.ਬ.)-ਟੀ-20 ਵਿਸ਼ਵ ਕੱਪ ਦੇ ਸੁਪਰ 8 ਗਰੁੱਪ ਪੜਾਅ 'ਚ ਭਾਰਤੀ ਟੀਮ ਨੂੰ ਦੱਖਣੀ ਅਫਰੀਕਾ, ਵੈਸਟਇੰਡੀਜ਼ ਅਤੇ ਜ਼ਿੰਬਾਬਵੇ ਵਾਲੇ ਗਰੁੱਪ 'ਚ ਰੱਖਿਆ ਗਿਆ ਹੈ | ਭਾਰਤੀ ਟੀਮ ਦਾ ਸੁਪਰ-8 ਪੜਾਅ 'ਚ ਪਹਿਲਾ ਮੈਚ 22 ਫਰਵਰੀ ਨੂੰ ਦੱਖਣੀ ਅਫਰੀਕਾ ਵਿਰੁੱਧ ਹੈ | ਇਹ ਮੈਚ ਨਰਿੰਦਰ ਮੋਦੀ ਸਟੇਡੀਅਮ 'ਚ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ | ਪਿਛਲੇ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ, ਦੋਵਾਂ ਟੀਮਾਂ ਨੇ 8 ਟੀ-20 ਮੈਚ ਖੇਡੇ ਹਨ, ਜਿਸ 'ਚ ਭਾਰਤ ਨੇ 6 ਜਿੱਤੇ ਹਨ ਤੇ ਦੱਖਣੀ ਅਫਰੀਕਾ ਨੇ ਸਿਰਫ਼ 2 ਜਿੱਤੇ ਹਨ | ਇਸ ਤੋਂ ਇਲਾਵਾ ਟੀ-20 ਵਿਸ਼ਵ ਕੱਪ ਦੇ ਇਤਿਹਾਸ 'ਚ ਦੋਵੇਂ ਟੀਮਾਂ 7 ਵਾਰ ਆਹਮੋ-ਸਾਹਮਣੇ ਹੋਈਆਂ ਹਨ, ਜਿਸ 'ਚ ਭਾਰਤ ਨੇ 5 ਜਿੱਤੇ ਹਨ ਤੇ ਦੱਖਣੀ ਅਫਰੀਕਾ ਨੇ 2 ਜਿੱਤੇ ਹਨ | ਭਾਰਤੀ ਟੀਮ ਨੇ 2014 ਦੇ ਸੈਮੀਫਾਈਨਲ ਤੇ 2024 ਦੇ ਫਾਈਨਲ 'ਚ ਉਨ੍ਹਾਂ ਨੂੰ ਹਰਾਇਆ ਸੀ | ਭਾਰਤੀ ਟੀਮ ਦਾ ਦੂਜਾ ਮੈਚ 26 ਫਰਵਰੀ ਨੂੰ ਜ਼ਿੰਬਾਬਵੇ ਵਿਰੁੱਧ ਹੈ | ਇਹ ਮੈਚ ਚੇਨਈ ਦੇ ਚੇਪੌਕ ਸਟੇਡੀਅਮ 'ਚ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ | 2024 'ਚ ਟੀ-20 ਵਿਸ਼ਵ ਚੈਂਪੀਅਨ ਬਣਨ ਤੋਂ ਬਾਅਦ, ਭਾਰਤੀ ਟੀਮ ਨੇ ਜ਼ਿੰਬਾਬਵੇ ਦਾ ਦੌਰਾ ਕੀਤਾ | ਭਾਰਤ ਨੇ ਲੜੀ 4-1 ਨਾਲ ਜਿੱਤੀ | ਦੋਵੇਂ ਟੀਮਾਂ 2022 'ਚ ਟੀ-20 ਵਿਸ਼ਵ ਕੱਪ 'ਚ ਇੱਕੋ ਇਕ ਵਾਰ ਮਿਲੀਆਂ ਸਨ | ਭਾਰਤੀ ਟੀਮ ਦਾ ਆਖਰੀ ਸੁਪਰ 8 ਮੈਚ 1 ਮਾਰਚ ਨੂੰ ਵੈਸਟ ਇੰਡੀਜ਼ ਵਿਰੁੱਧ ਹੋਵੇਗਾ | ਇਹ ਮੈਚ ਕੋਲਕਾਤਾ ਦੇ ਈਡਨ ਗਾਰਡਨ ਸਟੇਡੀਅਮ 'ਚ ਵੀ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ | ਦੋਵੇਂ ਟੀਮਾਂ ਪਿਛਲੇ ਵਿਸ਼ਵ ਕੱਪ ਤੋਂ ਬਾਅਦ ਕਦੇ ਨਹੀਂ ਮਿਲੀਆਂ ਹਨ ਤੇ ਉਹ 2024 ਦੇ ਆਈ.ਸੀ.ਸੀ. ਟੂਰਨਾਮੈਂਟ 'ਚ ਵੀ ਨਹੀਂ ਮਿਲੀਆਂ | ਟੀ-20 ਵਿਸ਼ਵ ਕੱਪ 'ਚ ਵੈਸਟਇੰਡੀਜ਼ ਦਾ ਹਮੇਸ਼ਾ ਹੀ ਹੱਥ ਰਿਹਾ ਹੈ | ਦੋਵੇਂ ਟੀਮਾਂ ਪਹਿਲੀ ਵਾਰ 2009 'ਚ ਆਈ.ਸੀ.ਸੀ. ਟੂਰਨਾਮੈਂਟ ਵਿੱਚ ਮਿਲੀਆਂ ਸਨ, ਜਦੋਂ ਭਾਰਤ ਲਾਰਡਜ਼ 'ਚ 7 ਵਿਕਟਾਂ ਨਾਲ ਹਾਰ ਗਿਆ ਸੀ | 2010 'ਚ ਵੈਸਟਇੰਡੀਜ਼ ਨੇ 14 ਦÏੜਾਂ ਨਾਲ ਜਿੱਤ ਪ੍ਰਾਪਤ ਕੀਤੀ ਸੀ | ਭਾਰਤ ਦੀ ਇੱਕੋ ਇੱਕ ਜਿੱਤ 2014 'ਚ ਹੋਈ ਸੀ, ਜਦੋਂ ਟੀਮ 7 ਵਿਕਟਾਂ ਨਾਲ ਜਿੱਤੀ ਸੀ | 2016 ਵਿਸ਼ਵ ਕੱਪ 'ਚ ਵੈਸਟਇੰਡੀਜ਼ ਨੇ 7 ਵਿਕਟਾਂ ਨਾਲ ਮੈਚ ਜਿੱਤ ਲਿਆ ਸੀ, ਜਿਸ ਨਾਲ ਭਾਰਤ ਬਾਹਰ ਹੋ ਗਿਆ ਸੀ |